قوستاناي وبلىسىندا مەملەكەتتىك شەكارانى زاڭسىز كەسىپ وتپەك بولعان شەتەلدىكتەر ۇستالدى

استانا. KAZINFORM - پ د ەكسترەميزمگە قارسى ءىس- قيمىل باسقارماسى شەكارا قىزمەتىمەن بىرلەسىپ، دەنيسوۆ اۋدانى اۋماعىندا مەملەكەتتىك شەكاراعا جاقىن جەردە ەكى شەتەلدىك ازاماتتى قولعا ءتۇسىردى. بۇل تۋرالى Polisia.kz جازدى.

мемлекеттік шекараны заңсыз кесіп өтпек болған шетелдіктер ұсталды
Фото: Polisia.kz

- زاڭ بۇزۋشىلاردىڭ قازاقستان-رەسەي شەكاراسىن رەسمي وتكىزۋ پۋنكتتەرىنەن تىس جەردەن زاڭسىز كەسىپ وتپەك بولعانى بەلگىلى بولدى. ولاردىڭ مۇنداي قادامعا بارۋىنا رەسەي اۋماعىنان كوشى-قون زاڭناماسىن بۇزعانى ءۇشىن دەپورتاتسيالانۋى سەبەپ بولعان، - دەلىنگەن حابارلامادا.

قۇقىق قورعاۋ ورگاندارىنىڭ مالىمەتىنشە، مەملەكەتتىك شەكارا رەجيمىن بۇزعان ازاماتتار اكىمشىلىك جاۋاپكەرشىلىككە تارتىلىپ، زاڭناما تالاپتارىنا سايكەس قازاقستان اۋماعىنان شىعارىلدى.

 

سوڭعى جاڭالىقتار