قوستاناي وبلىسىندا جول اپاتىنان ءتورت ادام قازا تاپتى
استانا. قازاقپارات - قوستاناي وبلىسىندا رەسپۋبليكالىق ماڭىزى بار جولدا كولىك اپاتىنان ءتورت ادام قايتىس بولدى، - دەپ حابارلايدى Massaget.kz.
قوستاناي وبلىسى ءى ءى د جول پوليتسياسى باسقارماسىنىڭ باسپا ءسوز قىزمەتى قوستاناي- اۋليەكول- سۇرعان رەسپۋبليكالىق ماڭىزى بار تاسجولىندا جول اپاتى بولعانىن مالىمدەدى.
وقيعا 28-قازان كۇنى تاڭەرتەڭ قوستاناي وبلىسى اۋليەكول اۋدانىنداعى نوۆونەجينكا جانە جۋسالى ەلدى مەكەندەرىنىڭ اراسىندا بولعان.
59 جاستاعى TANK كولىگىنىڭ جۇرگىزۋشىسى قارسى باعىتقا شىعىپ كەتىپ، ۆاز-2112 كولىگىمەن سوقتىعىسقان. ناتيجەسىندە، ۆاز كولىگىندەگى ءتورت ادام وقيعا ورنىندا قايتىس بولدى، ال TANK كولىگىنىڭ جۇرگىزۋشىسى مەن جولاۋشىسى اۋليەكول اۋداندىق اۋرۋحاناسىنا جەتكىزىلدى.
ابايسىزدا ەكى نەمەسە ودان دا كوپ ادامنىڭ ولىمىنە اكەپ سوققان جول قوزعالىسى ەرەجەلەرىن بۇزۋ فاكتىسى بويىنشا پوليتسەيلەر سوتقا دەيىنگى تەرگەۋ امالدارىن باستادى.
