قوستاناي وبلىسىندا «جاستار تازا قازاقستان ءۇشىن» فلەشموبى ءوتتى
استانا. KAZINFORM -قارابالىق كەنتىنىڭ تۇرعىندارى ەل پرەزيدەنتى قاسىم- جومارت توقايەۆتىڭ باستاماسىمەن «تازا قازاقستان» رەسپۋبليكالىق ەكولوگيالىق اكتسياسىن بەلسەندى قولدادى.
مەملەكەت باسشىسى قورشاعان ورتانىڭ جاي -كۇيى- بۇل ورتاق جاۋاپكەرشىلىك ەكەنىن جانە ەڭ الدىمەن، بۇل بىزگە، ونىڭ ازاماتتارىنا قازاقستان ءارقاشان تازا ءارى ادەمى بولۋى ءۇشىن قاجەت ەكەنىن اتاپ ءوتتى. بۇل ءومىر سالتىنا اينالۋى كەرەك.
«جاستار تازا قازاقستان ءۇشىن» اۋقىمدى فلەشموبىن جەرگىلىكتى «جاستار رەسۋرستىق ورتالىعىنىڭ» ماماندارى ۇيىمداستىرىپ، قارابالىق ەرىكتىلەرىمەن جانە جاستار ەڭبەك جاساقتارىنىڭ قاتىسۋشىلارىمەن بىرىكتى. وعان 35 ادام قاتىستى.
جاستار بىردەن بىرنەشە سۋ قويمالارىنىڭ جاعاسىندا ءتارتىپ ورناتتى، 4 ك م بويى ولار توعىزاق وزەنىنىڭ جاعاسىن قوقىستان تازارتتى. پلاتينا مەن جەرگىلىكتى جاعاجاي-قارابالىقتاردىڭ سۇيىكتى دەمالىس ورنى.
ءىس-شارانىڭ ۇرانى «تۇلپار - قۇلىننان، باتىر - بالادان».
ۇيىمداستىرۋشىلاردىڭ پىكىرىنشە، اكتسيانىڭ بارلىق قاتىسۋشىلارى جاعالاۋ اۋماعىن قوقىستاردان قۇتقارىپ، باتىر بولدى.
بالالار قوقىس جينادى، ال ءوتىپ بارا جاتقان ادامدارعا «الەمدى تازا ەت! كىشىگىرىم قادامنان باستاڭىز!» پاراقشالارىن تابىستادى. اكسيا بارىسىندا جاستار ەڭبەك جاساعىنىڭ ەرىكتىلەرى مەن قاتىسۋشىلارى جاعالاۋ بەلدەۋىن بوس پلاستيك پەن شىنى بوتەلكەلەردەن، ءبىر رەتتىك ىدىستاردان، پوليەتيلەن پاكەتتەردەن جانە ت. ب. تازارتتى.
اكسيا اياسىندا بالالار وزدەرىنىڭ كىشى وتاندارىن تازا ۇستاۋعا شاقىردى. ءىس- شارا بارىسىندا جاستاردى جىگەرلەندىرەتىن مۋزىكا شىرقالدى. جۇمىس اياقتالعاننان كەيىن اۋماق ايتارلىقتاي تازا جانە ادەمى بولدى.
«جاستار ءۇشىن بۇگىنگى اكتسيا ءوز وتانىنىڭ يگىلىگى ءۇشىن تاعى ءبىر جاقسى ءىس بولادى»، - دەپ ءوز اسەرىمەن ءبولىستى ەرىكتى پەتروۆا ۋليانا.
«تابيعات پەن قورشاعان ورتاعا ۇقىپتى قاراۋ، قورشاعان ورتاعا عانا ەمەس، سونىمەن بىرگە ادامدارعا دا قامقورلىق سەزىمىن دامىتۋ - بۇل ماڭگىلىك قۇندىلىقتار، ولار تۋرالى ءبىر مينۋتقا دا ۇمىتپاۋ كەرەك جانە ءارقاشان ورتاق ءۇيىمىزدىڭ ەكولوگيالىق ءال- اۋقاتىنا جەكە ۇلەس قوسۋعا تىرىسۋ كەرەك».
