قوستاناي وبلىسىندا ءبىر تاۋلىكتە ءۇش كولىك ورتەندى

استانا. KAZINFORM - قوستاناي وبلىسىندا ءبىر تاۋلىكتە ءۇش كولىك ورتەندى، دەپ حابارلايدى ق ر توتەنشە جاعدايلار مينيسترلىگىنىڭ باسپا ءسوز قىزمەتى.

باسپا ءسوز مالىمەتتەرىنە قاراعاندا، ءبىرىنشى وقيعا قوستاناي قالاسىنداعى گاراج كووپەراتيۆىنىڭ اۋماعىندا بولدى. قۇتقارۋشىلاردىڭ كۇشىمەن ءورتتىڭ باسقا اۆتوموبيلدەرگە تارالۋىنا جول بەرىلمەدى.

ەكىنشى كولىك ارقالىقتا ورتەندى. قۇتقارۋشىلار ءورتتى شاقىرىلعان ساتتەن باستاپ 14 مينۋت ىشىندە ءسوندىردى.

تاعى ءبىر كولىك تۇندە مەڭدىقارا اۋدانى بوروۆسكوە اۋىلىنان 15 شاقىرىم جەردە رەسپۋبليكالىق ماڭىزى بار «قوستاناي- مامليۋتكا» تاس جولىندا اۆتوكولىك ورتەندى.

ءورت سوندىرۋشىلەر وقيعا تۋرالى حابارلانعان ساتتەن باستاپ 28 مينۋت ىشىندە ءورتتى ءسوندىردى.

اۆتور
ايدار وسپاناليەۆ