قوستاناي وبلىسىندا ان-2 ۇشاعى سۋ ايدىنىنا قۇلادى
استانا. KAZINFORM - ج ش س «ناۆيگاتور» اۆياكومپانياسىنا تيەسىلى UP- A0124 مەملەكەتتىك تىركەۋ نومىرلىك بەلگىسى بار ان-2 اۋە كەمەسىنىڭ ارقالىق-اقسۇڭقار (قوستاناي) باعىتىندا ا ك 31224 سانيتاريالىق رەيسىن ورىنداۋ ماقساتىندا 16:10 دا ۇشۋدى جۇزەگە اسىرۋ كەزىندە بيىكتىكتىڭ كۇرت تومەندەۋىنەن سۋ ايدىنىنا (ەرىگەن سۋ) تايىپ قوندى، - دەپ حابارلايدى Massaget.kz ءتىلشىسى.
اۋە كەمەسىنىڭ بورتىندا 2 ەكيپاج مۇشەسى جانە 3 قىزمەتتىك جولاۋشى بولعان. بارلىق جولاۋشى مەن ەكيپاج مۇشەسى ارقالىق اۋرۋحاناسىنا جەتكىزىلدى.
الدىن الا اقپارات بويىنشا قۇرباندار مەن زارداپ شەككەندەر جوق.
كولىكتەگى وقيعالار مەن وقىس وقيعالاردى تەرگەۋ دەپارتامەنتىنىڭ قىزمەتكەرلەرى اۆياتسيالىق وقيعا ورنىنا جىبەرىلەدى.
اۆياتسيالىق وقيعالار مەن وقىس وقيعالاردى تەرگەپ-تەكسەرۋ جونىندەگى قاعيدالارعا سايكەس اۆياتسيالىق وقيعا رەتىندە جىكتەلەدى جانە ونى ازاماتتىق اۆياتسيا سالاسىنداعى ۋاكىلەتتى ورگان تەكسەرۋگە ءتيىس.
اۆياتسيالىق وقيعانى تەرگەۋ جونىندەگى كوميسسيا قۇرىلدى. بۇل وقيعانىڭ سەبەپتەرى مەن جاعدايلارى انىقتالىپ جاتىر.
