قورعاستىڭ ەنشىلەس كومپانياسى باسەكە تۋرالى زاڭدى اياقاستى ەتكەن

تالدىقورعان. KAZINFORM - «قورعاس» حالىقارالىق شەكارا ماڭى ىنتىماقتاستىعى ورتالىعى «ا ە ا باسقارۋشى كومپانياسى» ا ق-نىڭ ەنشىلەس كومپانياسى «قورعاس- كوممەرتس» ج ش س-نىڭ باسەكەلەستىكتى قورعاۋ تۋرالى زاڭنامانى بۇزعانى بەلگىلى بولدى. بۇل تۋرالى باسەكەلەستىكتى قورعاۋ جانە دامىتۋ اگەنتتىگى جەتىسۋ وبلىسى بويىنشا دەپارتامەنتىنىڭ ماماندارى مالىمدەدى.

دەپارتامەنت وكىلدەرىنىڭ ايتۋىنشا، «قورعاس- كوممەرس» ج ش س كونكۋرستىق ىرىكتەۋ وتكىزبەستەن، «قورعاس» ح ش ى و اۋماعىندا قىتاي بولىگىنەن كەلگەن جولاۋشىلاردى تاسىمالداۋ بويىنشا «Silk Road Starlight Tour» ج ش س-مەن كونسورتسيۋم تۋرالى شارت جاساسقان. بۇل ارەكەت ءبىر كاسىپكەرگە باسىمدىق بەرىپ، باسقا قاتىسۋشىلاردى تەندەرگە قاتىسۋ مۇمكىندىگىنەن ايىرعان.

«بۇل ءبىر كومپانيانىڭ نەگىزسىز ارتىقشىلىققا يە بولۋىنا جول اشىپ، كاسىپكەرلىك كودەكستىڭ 194-بابىنىڭ تالاپتارىن بۇزدى. ءبىزدىڭ حابارلاماعا سايكەس، كەلىسىم-شارت بۇزىلىپ، نارىقتاعى باسەكەلەستىك قالپىنا كەلتىرىلدى»، - دەپ حابارلادى دەپارتامەنت ماماندارى.

ەسكە سالايىق وسىعان دەيىن جەتىسۋدا اۋديت تەكسەرگەن مەملەكەتتىك ساتىپ الۋدىڭ %92 ىنان كەمشىلىك انىقتالعانىن جازعانبىز.

اۆتور

ايبەك قۇتتىبەك