قورعانىس مينيسترلىگى ەلوردا اسپانىندا تىكۇشاقتاردىڭ نەگە ۇشىپ جۇرگەنىن ءتۇسىندىردى
استانا. KAZINFORM - بۇگىن استانا اسپانىندا بايقالعان ۇشاقتاردىڭ ۇشۋى اسكەري پارادقا دايىندىقپەن بايلانىستى. بۇل تۋرالى ق ر قورعانىس مينيسترلىگىنىڭ باسپا ءسوز قىزمەتى مالىمدەدى، دەپ حابارلايدى Kazinform مەنشىكتى ءتىلشىسى.
ۆەدومستۆودا ناقتىلانعانداي، قازىرگى ۋاقىتتا ەلوردادا 1941-1945-جىلدارداعى ۇلى وتان سوعىسىنداعى جەڭىستىڭ 80 جىلدىعىنا جانە وتان قورعاۋشىلار كۇنىنە ارنالعان شەرۋگە دايىندىق ءجۇرىپ جاتىر.
بۇعان دەيىن قورعانىس مينيسترلىگى جەڭىستىڭ 80 جىلدىعىنا ارنالعان اسكەري شەرۋگە قاتىستى مالىمدەمە جاساعانىن جازعان بولاتىنبىز.
- 2025 -جىلعى 22 -ءساۋىر مەن 7-مامىر ارالىعىندا اسكەري اۆياتسيانىڭ جاتتىعۋ ۇشۋلارىن جۇرگىزۋ ءۇشىن استانا قالاسىندا اۋە كەڭىستىگىن پايدالانۋعا قىسقا مەرزىمدى شەكتەۋلەر قويىلادى. وسىعان بايلانىستى اۋە رەيستەرىنىڭ كەستەسىنە دە وزگەرىستەر ەنگىزىلۋى مۇمكىن. ءبىز ازاماتتارعا رەيستەر تۋرالى اقپاراتتى الدىن الا ناقتىلاۋدى ۇسىنامىز، - دەگەن بولاتىن ۆەدومستۆو وكىلدەرى.
