قورعانىس مينيسترلىگى اسكەردەن جالتاراتىن بوزبالا سانىن ەكى ەسە قىسقارتپاق

استانا. KAZINFORM - وتكەن جىلى 20 مىڭعا جۋىق بوزبالا اسكەرگە بارۋدان جالتارعان. بۇل تۋرالى ق ر قارۋلى كۇشتەرى باس شتابى ۇيىمداستىرۋ-جۇمىلدىرۋ جۇمىستارى دەپارتامەنتى باستىعىنىڭ ورىنباسارى، پولكوۆنيك ازامات دوسىموۆ ايتتى.

«مەرزىمدى اسكەري قىزمەتكە قاتىستى ايتار بولسام، وسىدان 2-3 جىل بۇرىن ودان جالتاراتىنداردىڭ سانى شامامەن 35-40 مىڭعا جەتكەن ەدى. 2023-جىلدىڭ اسكەرگە مەرزىمدى شاقىرۋ كەزەڭىن الىپ قاراساق، ولاردىڭ سانى شامامەن 20 مىڭ بولدى. دەمەك، ەكى جىلدىڭ ىشىندە ءبىز ولاردىڭ سانىن 2 ەسە قىسقارتىپ وتىرمىز. بيىل دا ءبىرقاتار زاڭنامالىق باستامالار اياسىندا جانە وزگە دە مەملەكەتتىك ورگاندارمەن تىعىز جۇمىستىڭ ناتيجەسىندە ولاردىڭ سانىن تاعى 50 پايىزعا قىسقارتۋدى جوسپارلاپ وتىرمىز»، - دەدى ازامات دوسىموۆ ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ب ا ق وكىلدەرىنىڭ ساۋالىنا وراي.