قورعانىس مينيسترلىگى 25-قازاندا كۇشەيتىلگەن رەجيمدە جۇمىس ىستەيدى

 ىشكى ىستەر ءمينيسترىنىڭ ورىنباسارى يگور لەپەحا 25-قازان كۇنى ميتينگتەر قالاي قاداعالاناتىنىن ءتۇسىندىردى، دەپ حابارلايدى Kazinform. 

«ادامدار اسكەري كوللونا كورسە، سوعىس باستالدى دەپ ويلايدى. پوليتسيا باعانىن كورسە، ميتينگ دەپ توپشىلايدى. قانداي ۆيدەو تۋرالى ايتقانىڭىزدى بىلمەدىم، 25-قازانعا دەيىن ءالى ءبىراز ۋاقىت بار، رەسپۋبليكا كۇنىنە دە نە قاتىسى بارىن تۇسىنبەدىم»، - دەپ جاۋاپ بەردى مينيستر ورىنباسارى ۇكىمەتتە وتكەن بريفينگتە ءتىلشى سۇراعىنا.

سپيكەردىڭ ايتۋىنشا، 25-قازان - مەملەكەتتىك مەرەكە جانە مينيسترلىك وعان دايىندىق جۇرگىزەدى.

«ءبىز قىزمەت اتقارۋدىڭ كۇشەيتىلگەن نۇسقاسىنا كوشەمىز، قازىر اكىمدىكتەردەن مەرەكە كۇنى وتەتىن بارلىق ءىس-شارانى سۇرايمىز. وندا قوعامدىق ءتارتىپتى قورعاۋدى قامتاماسىز ەتەمىز. رەسپۋبليكا كۇنى د ۆ ك ۇيىمىنىڭ ميتينگكە شاقىرۋىنا كەلسەك، بۇل قازاقستان اۋماعىندا قىزمەتى زاڭسىز ەكسترەميستىك ۇيىم، ارينە ولاردىڭ ميتينگ وتكىزۋىنە جول بەرىلمەيدى»، - دەپ ءتۇسىندىردى ي. لەپەحا.

بۇل رەتتە مينيسترلىك وكىلى اكىمدىكتەر ماقۇلداعان ميتينگتەر بويىنشا كەدەرگى بولمايتىنىن جەتكىزدى.

اۆتور

ايجان سەرىكجان قىزى