قور نارىعىندا دوللار تاعى قىمباتتادى

الماتى. KAZINFORM — قازاقستان قور بيرجاسىنداعى (KASE) ساۋدا-ساتتىق قورىتىندىسى بويىنشا، 1 دوللاردىڭ تەڭگەگە شاققانداعى باعامى ءوستى.

KASE قور نارىعىنداعى كۇندىزگى ساۋدا قورىتىندىسى بويىنشا، دوللار باعامى 1,56 تەڭگەگە قىمباتتادى. ءبىر ا ق ش دوللارىنىڭ ورتاشا باعامى — 523,54 تەڭگە.

Kurs.kz مالىمەتىنشە، قازىرگى ۋاقىتتا الماتىنىڭ اقشا ايىرباستاۋ پۋنكتتەرىندە دوللار 523,5 تەڭگەدەن ساتىلىپ جاتىر، ساتىپ الۋ باعامى — 528,5 تەڭگە. ەۋرو 540 — 547 تەڭگە ارالىعىندا قۇبىلىپ تۇر.

ال، استانا قالاسى بويىنشا دوللاردى ساتۋ باعامى — 525 تەڭگە، ساتىپ الۋ قۇنى — 532 تەڭگە. ەۋرو 543 تەڭگەدەن ساتىلىپ، 553 تەڭگەدەن ساتىپ الىنادى.

ءدال قازىرگى ۋاقىتتا اقشا ايىرباستاۋ ورىندارىندا رەسەي ۆاليۋتاسى 4,95 - 5,10 ارالىعىندا ساۋدالانىپ جاتىر.

ۇلتتىق بانكتىڭ 30-جەلتوقسانعا ۇسىنعان رەسمي باعامى — 1 دوللارعا 521,81 تەڭگە. رەسەي رۋبلىنىڭ ورتاشا سارالانعان قۇنى — 5,05 تەڭگە. ەۋرو — 543,67.

وسىعان دەيىن قازاقستان قارجىگەرلەر قاۋىمداستىعى 2025-جىلى دوللار 545 تەڭگەگە دەيىن بارۋى مۇمكىن ەكەنىن ايتتى.

ۇلتتىق بانك بازالىق مولشەرلەمەنى %15,25 عا دەيىن كوتەردى.

سونداي-اق ۇلتتىق بانك ءتوراعاسى تيمۋر سۇلەيمەنوۆ دوللار باعامىنىڭ وزگەرۋى يمپورت تاۋارلارى قۇنىنا اسەر ەتۋى مۇمكىن ەكەنىن ايتتى.

ۇلتتىق ەكونوميكا ءمينيسترى نۇرلان بايبازاروۆتىڭ ايتۋىنشا، تەڭگە باعامىنىڭ السىرەۋىنە نەگىزگى ءۇش فاكتور اسەر ەتىپ وتىر.