قور نارىعىندا دوللار قىمباتتادى

الماتى. KAZINFORM - قازاقستان قور بيرجاسىنداعى (KASE) ساۋدا-ساتتىق قورىتىندىسى بويىنشا، 1 دوللاردىڭ تەڭگەگە شاققانداعى باعامى ءوستى.

KASE قور نارىعىنداعى كۇندىزگى ساۋدا قورىتىندىسى بويىنشا، دوللار باعامى 0,13 تەڭگەگە قىمباتتادى. ءبىر ا ق ش دوللارىنىڭ ورتاشا باعامى - 479,05 تەڭگە.

Kurs.kz مالىمەتىنشە، قازىرگى ۋاقىتتا الماتىنىڭ اقشا ايىرباستاۋ پۋنكتتەرىندە دوللار 480,58 تەڭگەدەن ساتىلىپ جاتىر، ساتىپ الۋ باعامى - 479,04 تەڭگە. ال، استانا قالاسى بويىنشا ساتۋ باعامى - 481,01 تەڭگە، ساتىپ الۋ قۇنى - 477,03 تەڭگە.

19-قىركۇيەك كۇنى KASE قور نارىعىنداعى ا ق ش دوللارىنىڭ ورتاشا باعامى 478,93 تەڭگە بولدى.

ەسكە سالا كەتەيىك، بۇعان دەيىن قور نارىعىندا دوللار ارزانداعانىن جازعان ەدىك.