قور نارىعىندا دوللار باعاسى قۇبىلىپ تۇر

валюта айырбастау
Фото: Фото: pixabay.com

قازاقستان قور بيرجاسىنداعى (KASE) ساۋدا-ساتتىق قورىتىندىسى بويىنشا، 1 دوللاردىڭ تەڭگەگە شاققانداعى باعامى كوتەرىلدى، دەپ حابارلايدى Kazinform.

KASE قور نارىعىنداعى كۇندىزگى ساۋدا قورىتىندىسى بويىنشا، دوللار باعامى 0,46 تەڭگەگە قىمباتتادى. سولاي، 1 ا ق ش دوللارىنىڭ ورتاشا قۇنى 477,12 تەڭگە بولدى.

ۇلتتىق بانكتىڭ 17- قازانعا بەلگىلەگەن رەسمي باعامى: 1 دوللارعا - 476,64 تەڭگە، رەسەي رۋبلىنە - 4,90 تەڭگە.

Kurs.kz مالىمەتىنشە، قازىرگى ۋاقىتتا الماتىنىڭ اقشا ايىرباستاۋ پۋنكتەرىندە دوللار 477,3 تەڭگەدەن ساتىلىپ جاتىر، ساتىپ الۋ - 479,9 تەڭگە. ال استانا قالاسىندا ساتۋ باعامى - 476 تەڭگە، ساتىپ الۋ - 481 تەڭگە.

ۆاليۋتا ايىرباستاۋ ورىندارىندا رۋبل 4,80 - 4,95 تەڭگە ارالىعىندا ساۋدالانىپ جاتىر.

ايتا كەتەيىك، قور نارىعىندا دوللار باعاسى قۇبىلىپ تۇر. كەشە ا ق ش اقشاسى 0,34 تەڭگەگە ارزانداعان بولاتىن.

سوڭعى جاڭالىقتار