قور نارىعىندا دوللار 5 تەڭگەگە قىمباتتادى

الماتى. KAZINFORM - قازاقستان قور بيرجاسىنداعى (KASE) ساۋدا-ساتتىق قورىتىندىسى بويىنشا، 1 دوللاردىڭ تەڭگەگە شاققانداعى باعامى ءوستى.

KASE قور نارىعىنداعى كۇندىزگى ساۋدا قورىتىندىسى بويىنشا، دوللار باعامى 5,69 تەڭگەگە قىمباتتادى. ء بىر ا ق ش دوللارىنىڭ ورتاشا باعامى - 495,28 تەڭگە.

Kurs.kz مالىمەتىنشە، قازىرگى ۋاقىتتا الماتىنىڭ اقشا ايىرباستاۋ پۋنكتتەرىندە دوللار 499 تەڭگەدەن ساتىلىپ جاتىر، ساتىپ الۋ باعامى - 497 تەڭگە. ەۋرو 538-544 تەڭگە ارالىعىندا قۇبىلىپ تۇر. ال استانا قالاسى بويىنشا دوللاردى ساتۋ باعامى - 501 تەڭگە، ساتىپ الۋ قۇنى - 495 تەڭگە. ەۋرو 537 تەڭگەدەن ساتىلىپ، 530 تەڭگەدەن ساتىپ الىنادى.

ءدال قازىرگى ۋاقىتتا اقشا ايىرباستاۋ ورىندارىندا رەسەي ۆاليۋتاسى 5,69-5,85 ارالىعىندا ساۋدالانىپ جاتىر.

ۇلتتىق بانكتىڭ 13-ناۋرىزعا ۇسىنعان رەسمي باعامى - ءبىر دوللارعا 489,15 تەڭگە. رەسەي رۋبلىنىڭ ورتاشا سارالانعان قۇنى - 5,64 تەڭگە. ەۋرو - 533,47.

وسىعان دەيىن ۇلتتىق بانك ۆاليۋتا ايىرباستاۋدىڭ جاڭا ەرەجەسىن بەكىتەتىنىن مالىمدەگەن بولاتىن.

بۇدان بولەك، ۇلتتىق بانكتىڭ بازالىق مولشەرلەمەنى كوتەرگەنى تۋرالى جازعان ەدىك.

قازاقستاندىق ەكونوميستەر تەڭگەنىڭ نىعايۋىنا مۇمكىندىك بار ەكەنىن ايتتى.