قور نارىعىندا دوللار 2 تەڭگەگە قىمباتتادى

الماتى. KAZINFORM - قازاقستان قور بيرجاسىنداعى (KASE) ساۋدا-ساتتىق قورىتىندىسى بويىنشا، 1 دوللاردىڭ تەڭگەگە شاققانداعى باعامى ءوستى.

доллар
Фото: freepik.com

KASE قور نارىعىنداعى كۇندىزگى ساۋدا قورىتىندىسى بويىنشا، دوللار باعامى 2,36 تەڭگەگە قىمباتتادى.

ءبىر ا ق ش دوللارىنىڭ ورتاشا باعامى - 519,28 تەڭگە.

Kurs.kz مالىمەتىنشە، قازىرگى ۋاقىتتا الماتىنىڭ اقشا ايىرباستاۋ پۋنكتتەرىندە دوللار 519,5 تەڭگەدەن ساتىلىپ جاتىر، ساتىپ الۋ باعامى - 521,5 تەڭگە. ەۋرو 540-543,5 تەڭگە ارالىعىندا قۇبىلىپ تۇر.

ال استانا قالاسى بويىنشا دوللاردى ساتۋ باعامى - 518 تەڭگە، ساتىپ الۋ قۇنى - 524 تەڭگە. ەۋرو 539 تەڭگەدەن ساتىلىپ، 545 تەڭگەدەن ساتىپ الىنادى.

ءدال قازىرگى ۋاقىتتا اقشا ايىرباستاۋ ورىندارىندا رەسەي ۆاليۋتاسى 5,15-5,25 ارالىعىندا ساۋدالانىپ جاتىر.

ۇلتتىق بانكتىڭ 30-قاڭتارعا ۇسىنعان رەسمي باعامى - 1 دوللارعا 516,85 تەڭگە. رەسەي رۋبلىنىڭ ورتاشا سارالانعان قۇنى - 5,26 تەڭگە. ەۋرو - 537,68.

ايتا كەتەيىك، بۇعان دەيىن اقش اقشاسى ءۇش قاتارىنان ارزانداپ، ءبىر دوللارىنىڭ ورتاشا باعامى - 520,91 تەڭگە بولدى.

وسىعان دەيىن قازاقستان قارجىگەرلەر قاۋىمداستىعى 2025-جىلى دوللار 545 تەڭگەگە دەيىن بارۋى مۇمكىن ەكەنىن ايتتى.

سونداي-اق ۇلتتىق بانك ۆاليۋتا ايىرباستاۋدىڭ جاڭا ەرەجەسىن بەكىتەتىنىن مالىمدەدى.

سوڭعى جاڭالىقتار