قوقىس جاشىگى دەپ، كونتراباندالىق تەمەكىنى الىپ وتپەك بولعان
اقتاۋ. KAZINFORM - اقتاۋ تەڭىز پورتىندا كونتراباندالىق تاۋار تاركىلەندى. كەدەن بەكەتىنىڭ قىزمەتكەرلەرى ق ر ۇلتتىق قاۋىپسىزدىك كوميتەتى شەكارا قىزمەتىمەن جانە ەكونوميكالىق تەرگەۋ دەپارتامەنتىمەن بىرگە باس كولىك پروكۋراتۋراسىنىڭ تالابى بويىنشا، كەدەندىك تەكسەرۋ بارىسىندا يران يسلام رەسپۋبليكاسىنان كەلگەن جۇك كونتەينەرىندە تەمەكى پارتياسىن انىقتادى.
ءبىراق، تاۋار قۇجات بويىنشا «قوقىس جاشىگى» دەپ كورسەتىلگەن. جۇك كونتەينەرىن جونەلتۋشى يراندىق كومپانيا، ال تاۋاردى الۋشى قازاقستاندىق ج ش س-نىڭ ءبىرى بولىپ شىقتى.
قازىرگى ۋاقىتتا تاسىمالداۋ وبەكتىسىندە كەدەندىك تەكسەرۋ جالعاسىپ جاتىر. وزگە اقپاراتتار تەرگەۋ مۇددەسى ءۇشىن جاريا ەتىلمەيدى.
ق ر كونستيتۋتسياسىنىڭ 77-بابى 3-تارماعىنىڭ 1-تارماقشاسىنا جانە ق ر قىلمىستىق ءىس جۇرگىزۋ كودەكسىنىڭ 19-بابى 1-بولىگىنە سايكەس، ادام قىلمىستىق قۇقىق بۇزۋشىلىق جاساۋداعى كىناسى زاڭدى كۇشىنە ەنگەن سوت ۇكىمىمەن بەلگىلەنگەنگە دەيىن كىناسىز دەپ ەسەپتەلەدى.
