قونايەۆتاعى ويىنحانالار جابىلا ما

وتكەن جىلى قونايەۆ قالاسىنداعى ويىن بيزنەس سۋبەكتىلەرى شامامەن 90 ميلليارد تەڭگە سالىق تولەدى.

بۇل تۋرالى الماتى وبلىسىنىڭ اكىمى مارات سۇلتانعازيەۆ ايتتى، دەپ حابارلايدى Kazinform.

«بۇگىندە وبلىستا 5 ويىنحانا جانە ويىن بيزنەسىنىڭ وزگە دە سۋبەكتىلەرى جۇمىس ىستەپ تۇر. ەگەر ويىن بيزنەسى توڭىرەگىندە ايتار بولساق، ول جاقتا جۇمىسپەن قامتىلعانداردىڭ سانى 7,5 مىڭ ادامعا جۋىقتايدى. 64 مىڭادام تۇراتىن قالا ءۇشىن بۇل وتە ۇلكەن ۇلەس سانالادى. وتكەن جىلى ويىن بيزنەسى سۋبەكتىلەرى 90 ميلليارد تەڭگەگە جۋىق سالىق تولەدى»، - دەدى ءوڭىر اكىمى ورتالىق كوممۋنيكاتسيالار قىزمەتىندەگى بريفينگىدە.

مارات سۇلتانعازيەۆ ەلىمىزدەگى لۋدومانيا پروبلەماسىنا توقتالا كەلە، ويىنحانا ەرەجەسى قاتاڭ ەكەندىگىنە نازار اۋدارتتى. ونىڭ اتاپ وتۋىنشە، ويىنحاناعا كىرۋ ءۇشىن قوماقتى قاراجات قاجەت. مۇنان بولەك، بەلگىلى ءبىر تۇلعاعا قاتىستى ونىڭ تۋعان-تۋىستارى تاراپىنان نەمەسە قۇقىق قورعاۋ ورگاندارىنان ءوتىنىم تۇسكەن جاعدايدا ولار ويىنحاناعا كىرىگىزىلمەيدى.

«مۇنداي دا شەكتەۋ بار. موبيلدى ينتەرنەت ارقىلى تارالاتىن ونلاين ويىنحانامەن جانە لۋدومانيامەن بارىنشا كۇرەسكەن ءجون بولار»، - دەدى وبلىس باسشىسى.