قونايەۆتا جەر قىتايلارعا بەرىلگەنى تۋرالى اقپارات شىندىققا جاناسپايدى - اكىمدىك
قونايەۆ. KAZINFORM - الەۋمەتتىك جەلىدە قونايەۆ قالاسىندا جالپى اۋماعى 7.12 گەكتار بولاتىن جەر قىتايلىقتارعا بەرىلدى دەگەن اقپارات تارادى. جەرگىلىكتى اكىمدىك جاعدايدى ءتۇسىندىردى.
«تارقاتىپ ايتساق، «جىبەك جولى» ج ش س №8 جاعاجايدى اباتتاندىرۋ جوباسىن قولعا الىپ، ينۆەستيتسيا قۇيماق نيەتتە. بۇل جەردىڭ كولەمى 7.9 گەكتار. ءدال سول جاعاجايدىڭ قاسىنداعى 7.12 اۋماقتى الىپ جاتقان ۋچاسكە، ياعني، №7 جاعاجايدىڭ ءبىر بولىگى ينۆەست جوبانىڭ قۇرامىنا كىرىپ وتىر. جالپى اۋماعى 15 گا جاعالاۋ اتتراكسيوندار پاركىنە اينالماق»، - دەپ اتاپ ءوتتى اكىمدىكتەن.
قازىر №7 قالالىق جاعاجايدا 40 تان استام كاسىپكەر قىزمەت ەتەدى. ولار ءدامحانا، تاپشان، شاتىرلاردى مەملەكەتتەن جالعا الىپ وتىر. مۇنداعى 2 بيزنەس ورىن اتالعان ينۆەستجوبانىڭ قۇرامىنا ەنگەن.
«كاسىپكەرلەر بيىلعى شومىلۋ ماۋسىمى بىتكەنشە جۇمىس ىستەيتىن بولادى. قازىرگى تاڭدا قوس تاراپقا وڭتايلى شەشىم شىعارۋ باعىتىنداعى جۇمىس ءجۇرىپ جاتىر. مىسالى، بۇگىن قونايەۆ قالاسىنىڭ اكىمى اسحات بەردىحانوۆ كاسىپكەرلەرمەن كەزدەسىپ، ءمان- جايدى ءتۇسىندىردى»، - دەلىنگەن حابارلامادا.
ونىڭ ايتۋىنشا، قالانىڭ بەكىتىلگەن باس جوسپارىنا سايكەس، شاھارداعى 9 جاعاجايدى دا اباتتاندىرۋ كوزدەلىپ وتىر. بيىل زاماناۋي ستيلدە جاسالعان №5 جاعاجاي قولدانىسقا بەرىلدى.
