قونايەۆ اكىمدىگى 1 ميلليون تەڭگەگە جۋىق قارجىعا ەكى كرەسلو ساتىپ العان

кресло
فوتو: Pexels

قونايەۆ. KAZINFORM - قونايەۆ قالاسىنىڭ اكىمدىگى 1 ميلليون تەڭگەگە جۋىق قاراجاتقا ەكى كرەسلو ساتىپ العان. بۇل اقپارات الەۋمەتتىك جەلىدە تارادى.

جەلىدە تاراعان مالىمەت بويىنشا قونايەۆ قالاسىنىڭ اكىمدىگى 2023 -جىلدىڭ 11-جەلتوقسان كۇنى قۇپيا تۇردە 1 ميلليون تەڭگەگە جۋىق قارجىعا ەكى كرەسلو ساتىپ العان.

سونداي-اق، بەلگىسىز سەبەپتەرمەن اكىمدىك قىزمەتكەرلەرى قىمبات كرەسلولاردى جەرگىلىكتى ب ا ق وكىلدەرىنە كورسەتپەگەن.

وسىعان بايلانىستى Kazinform ءتىلشىسى قونايەۆ قالاسى اكىمدىگىنە ساۋال جولدادى.

اكىمدىكتىڭ باسپا ءسوز قىزمەتى اتالعان ماسەلە بويىنشا قونايەۆ قالاسى اكىمىنىڭ اپپارات باسشىسىنا قاتىستى قىزمەتتىك تەكسەرىس باستالعانىن جەتكىزدى.

«كرەسلولار قاي مەكەمەگە بەرىلگەنى انىقتالىپ جاتىر. جيھاز قالا اكىمىنىڭ كەلىسىمىنسىز الىنعان»، - دەپ حابارلادى قونايەۆ قالاسى اكىمدىگىنىڭ باسپا ءسوز قىزمەتى.

سوڭعى جاڭالىقتار