قولما-قول اقشاسىز تولەمدەر ۇلەسى 85,8 پايىزدان اسادى - ۇلتتىق بانك
استانا. KAZINFORM - قازاقستان ۇلتتىق بانكى «ۇلتتىق سيفرلىق قارجى ينفراقۇرىلىمىن دامىتۋ تۋرالى» (ۇ ت س ق ي) جىلدىق ەسەبىن جاريالادى.

ينفراقۇرىلىمدى دامىتۋدىڭ نەگىزگى باعىتتارى:
- سيفرلىق ۆاليۋتامەن وپەراتسيالاردى قوسا العاندا، قاۋىپسىز ءارى ۇزدىكسىز ترانزاكسيالاردى قامتاماسىز ەتۋ.
- بيومەتريالىق سايكەستەندىرۋ مەن كەلىسىمدەردى باسقارۋ ءۇشىن سيفرلىق سەرۆيستەردى ەنگىزۋ.
- اشىق API ارقىلى قاتىسۋشىلار مەن قىزمەتتەردى جەتكىزۋشىلەر اراسىندا قاۋىپسىز دەرەك الماسۋ.
2024-جىلى ۇ ت س ق ي- دى دامىتۋداعى نەگىزگى باعىت - تولەم ينفراقۇرىلىمىنىڭ جاڭا ەلەمەنتتەرىن قۇرىپ، نارىققا قاتىسۋشىلار اراسىندا قاۋىپسىز جانە ءوزارا اشىق ءىس-قيمىلدى قامتاماسىز ەتۋ ءۇشىن قولدانىستاعى ينفراقۇرىلىمدى قۇرۋ. قازىرگى ۋاقىتتا قۇب ينفراقۇرىلىمى تاۋلىگىنە 5,9 تريلليون تەڭگەگە 350000 نان استام ترانزاكتسيانى وڭدەيدى جانە ايىنا 2,5 ميلليوننان استام سيفرلىق سايكەستەندىرۋ وپەراتسياسىن جۇرگىزەدى.
ايتا كەتەيىك، ۇ ت س ق ي وپەراتورى – ق ۇ ب ۇلتتىق تولەم كورپوراتسياسى.
- قازاقستان ودان ءارى ەكونوميكالىق دامۋ ءۇشىن بەرىك ىرگەتاس قۇرا وتىرىپ، قارجى قىزمەتتەرىن سيفرلاندىرۋدا ايتارلىقتاي جەتىستىكتەر كورسەتىپ وتىر. بۇگىندە ەلدىڭ بارلىق تولەم اينالىمىنىڭ 89,5 پايىزى ۇلتتىق بانك جۇيەلەرى ارقىلى وڭدەلەدى، ال قولما قول اقشاسىز تولەمدەردىڭ ۇلەسى 85,8 پايىزدان اسادى. بۇل كورسەتكىش سيفرلىق تەحنولوگيالاردىڭ قارجى سالاسىنا ەنۋىنىڭ جوعارى دەڭگەيىن جانە ەلدىڭ زاماناۋي شەشىمدەردى ەنگىزۋگە دايىندىعىن كورسەتەدى، - دەلىنگەن اتالعان ەسەپتە.
قارجى جۇيەسىن سيفرلاندىرۋدىڭ نەگىزگى ينديكاتورىنىڭ ءبىرى - قولما قول اقشاسىز وپەراتسيالاردىڭ قارقىندى ءوسۋى. 2024-جىلى بەلسەندى تولەم كارتالارىنىڭ سانى 8 پايىزعا ارتتى. بۇل ءوز كەزەگىندە حالىقتىڭ قارجى تەحنولوگيالارىنا سەنىمىنىڭ جوعارى دەڭگەيىن بايقاتتى. 2024-جىلدىڭ ءبىرىنشى جارتىجىلدىعىندا ءاربىر بەلسەندى تولەم كارتوچكاسىن پايدالانا وتىرىپ، 1,9 ميلليون تەڭگە سوماسىنا ورتاشا ەسەپپەن 154 قولما قول اقشاسىز وپەراتسيا جۇرگىزىلگەن.
سونىمەن قاتار، 2024-جىلى POS- تەرمينالدار سانىنىڭ ەداۋىر ءوسۋى بايقالدى. بىلتىر ولاردىڭ سانى 24,6 پايىزعا ءوسىپ، 1,16 ميلليون قۇرىلعىعا جەتتى. بۇل دامۋ بيزنەس ۇشىندە، تۇتىنۋشىلار ءۇشىن دە ەلەكتروندى تولەمدەردى پايدالانۋ قولايلىلىعىن ارتتىرۋعا ىقپال ەتەدى. POS- تەرمينالدار ينفراقۇرىلىمى تسيفرلىق ەكونوميكانى، اسىرەسە شاعىن جانە ورتا بيزنەستى ىنتالاندىرۋدىڭ ماڭىزدى قۇرالىنا اينالدى.
ەسكە سالساق، جاقىندا ۇلتتىق بانك اقشا ايىرباستاۋ پۋنكتتەرىن 2 جىلدا عيماراتىن قاۋىپسىز ەتۋگە مىندەتتەدى.