قولما-قول اقشانى سەيفىمەن بىرگە ۇرلاعاندار ۆيدەوعا ءتۇسىپ قالدى

Фото: видеодан кадр
Фото: видеодан кадр

استانا. KAZINFORM - اقمولا وبلىسىندا قولما-قول اقشانى سەيفىمەن بىرگە ۇرلاعان كۇدىكتىلەر ۇستالدى.

وقيعا 19-ماۋسىمعا قاراعان ءتۇنى بولعان. بەتپەردە كيگەن ءۇش بەلگىسىز ادام كاسىپورىننىڭ بۋحگالتەرلەر وتىراتىن كابينەتىنىڭ ەسىگىن بۇزىپ، مەتال سەيفتى ۇرلاپ الىپ كەتكەن. جەدەل ىزدەستىرۋ ءىس-شارالارىنىڭ ناتيجەسىندە پوليتسەيلەر ءۇش كۇدىكتىنى انىقتادى.

«ولاردىڭ قىلمىسقا قاتىسى تەكسەرىلىپ جاتىر. قاراقشىلار سەيفتە بىرنەشە ميلليون تەڭگە قولما-قول اقشا بار دەپ ۇمىتتەندى، الايدا كاسىپكەردىڭ ايتۋى بويىنشا بۇل كۇندەرى مامىلەلەر قولما-قول اقشاسىز جۇرگىزىلدى، ال سەيفتە شامامەن 500 مىڭ تەڭگە اقشالاي سوما بولعان»، - دەپ جازىلعان ءى ءى م حابارلاماسىندا.

وسىلايشا، پوليتسيا قىزمەتكەرلەرىنىڭ جەدەل جانە ۇيلەسىمدى ارەكەتتەرىنىڭ ارقاسىندا ۇرلىق ءبىر كۇندە اشىلىپ، قىلمىسكەرلەر ۇستالعان.

سوڭعى جاڭالىقتار