قولدىڭ دىرىلدەۋى قانداي اۋرۋدىڭ بەلگىسى بولۋى مۇمكىن؟
ۇزاق ۋاقىتتان بەرى مازالاپ جۇرگەن قولدىڭ ءدىرىلى قاۋىپتى اۋرۋدىڭ بەلگىسى بولۋى مۇمكىن. بۇل تۋرالى نيەۆروپاتولوگ، ۆەگەتولوگ، مەديتسينا عىلىمدارىنىڭ كانديداتى ەلەنا بەلەنكو ايتتى، - دەپ حابارلايدى موسكۆا 24.
ونىڭ ايتۋىنشا، كەيبىر سترەسستىك جاعدايلاردا قول قاتتى دىرىلدەي باستاۋى مۇمكىن. ءدىرىل شىنىعا سۋ قۇيىپ، ونى ءىشۋ سەكىلدى قاراپايىم ءىس-ارەكەتتىڭ ءوزىن ىستەۋگە كەدەرگى كەلتىرسە، بۇل الاڭداتارلىق ماسەلە. سوندىقتان، دىرىلدەن ۇنەمى زارداپ شەگەتىن بولساڭىز، دارىگەرگە كورىنگەن ابزال.
«ادام قولى دىرىلدەسە، ول پاركينسون اۋرۋى، سكلەروز، ميدىڭ قانداي دا ءبىر زاقىمدانۋى: ىسىك، ينسۋلت جانە ت. ب. بەلگىسى بولۋى مۇمكىن. وعان باس ميىنىڭ جاراقاتى دا سەبەپ بولۋى مۇمكىن»، - دەيدى ەلەنا بەلەنكو.
سونىمەن قاتار، قالقانشا بەزى مەن باۋىر اۋرۋلارى، سونداي-اق پەريفەريالىق جۇيكە فۋنكسياسىنىڭ بۇزىلۋى قول دىرىلدەۋىنىڭ دامۋىنا ىقپال ەتۋى مۇمكىن. ءبىراق بۇل ەندوكريندىك پاتولوگيا نەمەسە الكوگولدەن ۋلانۋ ناتيجەسىندە پايدا بولۋى مۇمكىن. ولار باۋىردىڭ جۇمىسىنا اسەر ەتەدى، بۇل ءوز كەزەگىندە پەريفەريالىق نەرۆتەردىڭ زاقىمدالۋىنا جانە دىرىلگە اكەلەدى.
دارىگەر ەگەر بۇل اۋىر اۋرۋ بولسا، قولدىڭ دىرىلدەۋىمەن بىرگە، ادەتتە باسقا دا بەلگىلەر جۇرەتىنىن ايتتى. ولار باس، ءتىل، بۇكىل دەنە، داۋىستىڭ دىرىلدەۋى، قول، اياق جانە بەتتىڭ سەزىمتالدىعىنىڭ بۇزىلۋى.
ونىڭ سەبەبى مازاسىزدىق، قورقىنىش، جىلاۋ سياقتى پسيحوەموتسيونالدى بۇزىلۋلار دا بولۋى مۇمكىن. جاعدايدى جانە اعزاداعى اقاۋدىڭ سەبەبىن ءتۇسىنۋ ءۇشىن نيەۆروپاتولوگتىڭ تەكسەرۋىنەن ءوتۋ كەرەك.
