قول-اياعى سكوتچپەن بايلانعان: جەتىنشى سىنىپ وقيتىن قىز بالا كوشەدەن جالاڭاش كۇيدە تابىلدى

Фото: Freepik
Фото: Kazinform

قىرعىزستاندا شۋ وبلىسىندا جەتىنشى سىنىپ وقۋشىسى كوشەدەن قول-اياعى بايلانعان، جالاڭاش كۇيدە تابىلعان، - دەپ حابارلايدى 24.kg.

وقيعا 24- قازاندا بولعان. مەكتەپ وقۋشىسىن زەينەتكەرلەر تاپقان. قىز ەس-ءتۇسسىز كۇيدە كوشەدە جاتقان.

«قىزدىڭ اياعى مەن قولى سكوتچپەن بايلانعان، اۋزىنا شۇبەرەك تىعىپ قويعان. شالبارى مەن ىشكيىمى شەشىلگەن. جاس ءوسپىرىمدى بوساتىپ، اۋزىنان شۇبەرەكتى العاندا، ەسىن جيدى»، - دەلىنگەن باسىلىم مالىمەتىندە.

كۋاگەرلەر پوليتسيا مەن قىزدىڭ تۋىستارىن شاقىرعان. مەكتەپ وقۋشىسى پاتروناتتا تاربيەلەنەتىنى بەلگىلى بولدى.

قۇزىرلى ورگاندار اقپاراتتى راستادى. بۇل دەرەك اۋداندىق پوليتسيادا تىركەلگەن. جابىرلەنۋشىدەن ساراپتاما، جاۋاپ الىندى.

سونىمەن قاتار، كۇدىكتىلەر انىقتالعانى، جاۋاپ الىنعانى ايتىلعان.

سوڭعى جاڭالىقتار