قوش بولىڭدار، باۋىرلارىم: ديماش كاسپيدەگى ساربازداردىڭ قازاسىنا بايلانىستى كوڭىل ايتتى

- ءبىزدىڭ اقتاۋدا كوز جۇمعان 18-19 جاسار ىنىلەرىمدى قيماي جۇرەگىم اۋىرىپ، ايتۋعا ءسوز تابا الماي وتىرمىن. بالالىق كەزەڭنەن ەندى عانا شىعىپ كەلە جاتقان كەزدە جاپ-جاس عۇمىرلاردىڭ وسىلايشا ءۇزىلىپ كەتكەنى… قازا بولعان باۋىرلارىمىزدىڭ اتا-اناسىنا، تۋعان-تۋىستارىنا، جاقىندارىنا شىن جۇرەكتەن كوڭىل ايتامىن. اللا جۇرەكتەرىڭىزگە سابىر، وزدەرىڭىزگە كۇش بەرسىن. ىنىلەرىمنىڭ جاتقان جەرى جايلى، توپىراعى تورقا بولسىن. جاندارى ءجانناتتا بولسىن. ە اللا، قۇدىرەتى كۇشتى اللا، ىنىلەرىمدى الدىنان جارىلقاعايسىڭ. ەشبىر اتا-انا بالاسىنىڭ ارتىندا قالماسىن… ەلىمىزدە مۇنداي قاسىرەت ەندى قايتالانباسىن. قوش بولىڭدار، باۋىرلارىم، - دەپ جازدى ول.

ەسكە سالايىق، 2026-جىلعى 24 قىركۇيەكتە كاسپييدەگى اسكەري وقۋ-جاتتىعۋ كەزىندە 14 اسكەري قىزمەتشى قازا تاپقانىن حابارلاعانبىز. ءۇش اسكەري قىزمەتشى قۇتقارىلدى. ولاردىڭ بىرەۋى اۋرۋحاناعا جاتقىزىلدى.