قونايەۆتا 1,76 ميلليارد تەڭگەلىك كازينو ساتىلىمعا شىعارىلدى

Sauda.e-qazyna.kz مالىمەتىنشە، نىسان يندۋستريالىق كوشەسى، 11 مەكەنجايىندا ورنالاسقان. بەس قاباتتى عيماراتتىڭ جالپى اۋدانى - 5 122,5 شارشى مەتر. ول 2014 -جىلى سالىنعان.

ساۋدا-ساتتىق لوتىنا كازينو عيماراتىنا ىرگەلەس جاتقان 0,2257 گەكتار جەر ۋچاسكەسى، يندۋستريالىق كوشەسى، 15/5 مەكەنجايىنداعى اۋدانى 0,27 گەكتار تاعى ءبىر جەر ۋچاسكەسى جانە ترانسفورماتور قوسالقى ستانتسياسىنىڭ جابدىقتارى كىرەدى.

لوتتىڭ باستاپقى باعاسى - 1 ميلليارد 762 ميلليون 362 مىڭ 331 تەڭگە. كەپىلدىك جارنا مولشەرى 264 ميلليون 354 مىڭ 350 تەڭگە بولىپ بەلگىلەنگەن.

اۋكسيون 21-قازان ساعات 10:45 تە وتەدى. ساۋدا-ساتتىق باعانى كوتەرۋ ادىسىمەن ۇيىمداستىرىلادى.

ساتۋشى — «ەكسيمبانك قازاقستان» ا ق. «BaGa Consulting» ج ش س- ءنىڭ 2026 -جىلعى 3-شىلدەدەگى باعالاۋ ەسەبىنە سايكەس، مۇلىكتىڭ باعالاۋ قۇنى 1,76 ميلليارد تەڭگەگە تەڭ.

ەسكە سالايىق، بۇعان دەيىن e-Qazyna پورتالىندا الماتى وبلىسى ىلە اۋدانىنان ەسەپتەن شىعارىلعان اۆتوبۋستاردى ساتۋ بويىنشا ساۋدا-ساتتىق اياقتالعان.

سونداي-اق الماتىدا قايرات ساتىبالدىعا تيەسىلى بولعان قوناقۇي تاعى دا اۋكسيونعا قويىلدى.