سولتۇستىك قازاقستاندا «Qutty meken» جوباسىنىڭ بارىسىن ارنايى توپتار باقىلايدى

پەتروپاۆل. قازاقپارات - سولتۇستىك قازاقستان وبلىسىندا الەۋمەتتىك نىسانداردىڭ قۇرىلىسى مەن جوندەۋ جۇمىستارىن «Nur Otan» پارتياسىنىڭ دەپۋتاتتارىنان قۇرىلعان ارنايى مونيتورينگ توپتارى باقىلاماق، دەپ حابارلايدى قازاقپارات ءتىلشىسى.

«Nur Otan» پارتياسى سولتۇستىك قازاقستان وبلىستىق فيليالى باسپا ءسوز قىزمەتىنىڭ مالىمەتىنشە، بۇل شەشىم وبلىستىق ءماسليحاتتاعى «Nur Otan» پارتياسى دەپۋتاتتىق فراكتسياسىنىڭ وتىرىسىندا قابىلداندى.

مونيتورينگ توپتارى «Qutty meken» ۇلتتىق جوباسىنىڭ نەگىزگى باعىتتارى بويىنشا جۇمىس ىستەمەك. ولار - ءبىلىم بەرۋ، دەنساۋلىق ساقتاۋ، مادەنيەت جانە سپورت نىساندارىن، تۇرعىن ءۇي، اۆتوموبيل جولدارىن، سونداي-اق تۇرعىن ءۇي- كوممۋنالدىق شارۋاشىلىق نىساندارىن، سۋ جانە جىلۋمەن قامتاماسىز ەتۋ جەلىلەرىن جوندەۋ جانە سالۋ جۇمىستارىنىڭ ساپالى جۇرگىزىلۋىن نازاردا ۇستايدى.

مونيتورينگ توپتارىنىڭ سانى التاۋ بولماق. قۇرامىنا وبلىستىق ءماسليحاتتاعى «Nur Otan» پارتياسى دەپۋتاتتىق فراكتسياسىنىڭ جانە پارتيالىق باقىلاۋ كوميسسياسىنىڭ مۇشەلەرى، قوعام وكىلدەرى كىرەدى. توپتار بيۋجەت قاراجاتىنىڭ نەعۇرلىم ءتيىمدى جۇمسالۋىن، سونداي-اق نىسانداردىڭ مەرزىمىندە سالىنىپ نەمەسە جوندەلۋىن باقىلايدى. ولاردىڭ جۇمىسىن پارتيانىڭ وڭىرلىك فيليالى ۇيلەستىرمەك.

«بيۋجەت قاراجاتىنىڭ ءاربىر تەڭگەسى ماقساتتى پايدالانىلىپ، جۇمىستار بەلگىلەنگەن مەرزىمدە جانە ساپالى جۇرگىزىلۋى ءتيىس. فراكتسيا دەپۋتاتتارى، مونيتورينگ توپتارىنىڭ ءتوراعالارى بۇل ماسەلەلەردى پارتيالىق باقىلاۋعا الۋلارى قاجەت. مونيتورينگ توپتارى اپتا سايىن پارتيانىڭ وبلىستىق فيليالىنا ەسەپ بەرەتىن بولادى»، - دەيدى وبلىستىق ءماسليحاتتاعى «Nur Otan» پارتياسى دەپۋتاتتىق فراكتسياسىنىڭ باسشىسى يۋريي بەلونوگ.

س ق و- دا 180 الەۋمەتتىك نىسان پارتيالىق باقىلاۋعا الىندى. ولارعا بيۋجەتتەن جالپى العاندا 25 ميلليارد استام تەڭگە ءبولىندى.

«جەرگىلىكتى جەرلەردەگى نۇروتاندىقتار بيۋدجەت قاراجاتىن ءتيىمدى پايدالانۋ ماسەلەسىن ەرەكشە باقىلاۋعا الۋعا، كەمشىلىكتەردى انىقتاۋعا بەلسەنە ارالاسۋى قاجەت. ب ا ق- تىڭ نەمەسە تۇرعىنداردىڭ ماسەلە كوتەرگەنىن كۇتپەي، وزارا ارەكەت ەتۋىمىز كەرەك»، - دەدى «Nur Otan» پارتياسى س ق و ف ءتوراعاسىنىڭ ءبىرىنشى ورىنباسارى اسەم راحمەتوۆا. بىلتىر دا نۇروتاندىقتار پارتيالىق باقىلاۋ اياسىندا 324 رەيد جۇرگىزدى، ناتيجەسىندە ءبىرقاتار ولقىلىقتىڭ بەتىن اشتى.