قۇرىلىس سالاسى ينجەنەرلەرىن سەرتيفيكاتتاۋ ەنگىزىلمەك
استانا. KAZINORM -ەلىمىزدە قۇرىلىس سالاسى ينجەنەرلەرىن سەرتيفيكاتتاۋ ەنگىزىلمەك.
بۇل تۋرالى بۇگىن ماجىلىستە جاڭا قۇرىلىس كودەكسىن تالقىلاۋعا ارنالعان ساراپشىلىق كەزدەسۋدە ونەركاسىپ جانە قۇرىلىس ۆيتسە- ءمينيسترى تيمۋر قاراعويشين ايتتى.
«كودەكس جوباسىندا جوبالاۋ الدىنداعى دايىندىقتان باستاپ، ونى پايدالانۋعا دەيىن قۇرىلىستاعى قىزمەتتىڭ بارلىق سالاسىن قوزعايتىن دەربەس باعىتتارعا اينالعان سيفرلاندىرۋ ماسەلەسىنە ەرەكشە نازار اۋدارىلدى. e- Qurylys اقپاراتتىق جۇيەسىنىڭ الاڭىندا قۇرىلىس وبەكتىسىنىڭ ومىرلىك تسيكلىنىڭ بارلىق كەزەڭدەرى قاراستىرىلادى. ونىڭ نەگىزگى باعىتى قۇرىلىس كەزەڭىندە جاسالادى. سونىمەن قاتار، ءدال وسى الاڭدا تەستىلەۋ ءراسىمى جۇرگىزىلەدى - قۇرىلىس سالاسىنىڭ ماماندارىن سەرتيفيكاتتاۋ جانە ءتىزىمدى اۆتوماتتى تۇردە جۇرگىزۋ. سونداي- اق، تسيفرلاندىرۋ جونىندەگى جۇمىستار اياسىندا جوبالاۋ جونىندەگى جۇمىستاردىڭ ساپا دەڭگەيىن ارتتىرۋدى قامتاماسىز ەتۋگە ءتيىس قۇرىلىس وبەكتىلەرىن اقپاراتتىق مودەلدەۋ مىندەتى زاڭنامالىق تۇردە بەكىتىلەدى»، - دەدى ۆيتسە- مينيستر.
ونىڭ ايتۋىنشا، ساراپشىلاردى جانە ينجەنەرلىك-تەحنيكالىق قىزمەتكەرلەردى اتتەستاتتاۋدىڭ قولدانىستاعى جۇيەسى اتتەستاتتاۋدان وتكەن ساراپشىلاردىڭ بىلىكتىلىك دارەجەسىن جەتكىلىكتى تۇردە ءتيىمدى كورسەتپەيدى.
«حالىقارالىق تاجىريبەنى زەردەلەۋ اياسىندا ۇلتتىق زاڭنامانىڭ ەرەكشەلىكتەرىن ەسكەرە وتىرىپ، ەۋرووداقتىڭ تابىستى پراكتيكاسىنا ۇقساس قۇرىلىس سالاسىنىڭ ينجەنەرلەرىن سەرتيفيكاتتاۋدى ەنگىزۋ جوسپارلانۋدا. سەرتيفيكاتتاۋدى جۇرگىزۋ جونىندەگى فۋنكتسيا باسەكەلەستىك ورتاعا بەرىلەدى جانە ونى نارىق قاتىسۋشىلارى جۇزەگە اسىرادى. بۇدان باسقا، قۇرىلىس سالاسىندا ورەسكەل زاڭ بۇزۋشىلىقتارعا جول بەرىلگەن جاعدايدا قىزمەتتى جۇزەگە اسىرۋعا تىيىم سالۋ مۇمكىندىگىمەن قۇرىلىس نارىعىنا قاتىسۋشىلاردىڭ ورتاق جاۋاپكەرشىلىگىن بەلگىلەۋ جوسپارلانىپ وتىر»، -دەدى تيمۋر قاراعويشين.
