قۇرىلىس ماماندىقتارى بويىنشا جىل سايىن قانشا مىڭ تۇلەك دايارلانادى

بۇل تۋرالى وقۋ-اعارتۋ ءمينيسترى جۇلدىز سۇلەيمەنوۆا ۇكىمەت وتىرىسىندا مالىمدەدى.

مەملەكەت باسشىسى كەلەسى جىلدى جالپىحالىقتىق اۋقىمدى قۇرىلىس جىلى دەپ جاريالاعان ەدى. وسىعان بايلانىستى ەڭبەك نارىعى مەن ينۆەستيتسيالىق جوبالاردىڭ قاجەتتىلىكتەرىنە ساي كادرلار دايارلاۋ ماڭىزدى مىندەتتەردىڭ ءبىرى سانالادى.

جۇمىسشى ماماندىقتارى بويىنشا كادرلار 480 كوللەدجدە دايارلانادى. بۇل وقۋ ورىندارىندا 131 مىڭنان استام ستۋدەنت ءبىلىم الىپ ءجۇر. جىل سايىن 51 مىڭنان استام مامان دايارلانادى.

- قۇرىلىس ماماندىقتارى بويىنشا شامامەن 13 مىڭ ستۋدەنت وقيدى. سوڭعى بەس جىلدا جىل سايىن ورتا ەسەپپەن 3 مىڭنان اسا تۇلەك دايارلانادى، - دەدى جۇلدىز سۇلەيمەنوۆا.

سونىمەن بىرگە سۇرانىسقا يە ماماندىقتار بويىنشا مەملەكەتتىك تاپسىرىستى ۇلعايتىپ، كوللەدجدەردىڭ جۇمىس بەرۋشىلەرمەن ءوزارا ءىس-قيمىلى كۇشەيتىلمەك.

كەشە مەملەكەت باسشىسى قاسىم-جومارت توقايەۆ ءوز جولداۋىندا اۋقىمدى قۇرىلىس جوبالارىن مۇقيات ىرىكتەپ، قاتاڭ باقىلاۋ قاجەتتىگىن ايتقان ەدى.