قۇرىلتاي سايلاۋىنا بايلانىستى الماتىدا قوعامدىق كولىك تەگىن بولادى
الماتى. KAZINFORM - الماتى قالاسىنىڭ جول قوزعالىسى جانە جولاۋشىلار كولىگىن ۇيىمداستىرۋ باسقارماسى قۇرىلتاي سايلاۋى وتەتىن 23-تامىز كۇنى قالانىڭ قوعامدىق كولىكتەرىندە جول ءجۇرۋ تەگىن بولاتىنىن مالىمدەدى.
باسقارما مالىمەتىنشە، سايلاۋ كۇنى قالا تۇرعىندارى مەن قوناقتارىنىڭ ءجۇرىپ-تۇرۋىنا قولايلى جاعداي جاساۋ ماقساتىندا تەگىن جول ءجۇرۋ مۇمكىندىگى ەنگىزىلەدى. كۇنى بويى قوعامدىق كولىكتىڭ بارلىق باعىتىندا - اۆتوبۋستاردا، تروللەيبۋستاردا جانە مەترودا جول ءجۇرۋ تەگىن بولادى.
- قالا تۇرعىندارى مەن قوناقتارىن ساپارىن الدىن الا جوسپارلاپ، داۋىس بەرۋ كۇنى قالا ىشىندە قولايلى قاتىناۋ ءۇشىن قوعامدىق كولىكتى پايدالانۋعا شاقىرادى، - دەپ حابارلادى اكىمدىكتەن.
ەسكە سالايىق، الماتىدا قۇرىلتاي سايلاۋىنا دايىندىق قالاي ءجۇرىپ جاتقانىن جازعانبىز.
