قۇرىلتاي سايلاۋىن 777 حالىقارالىق بايقاۋشى باقىلايدى
استانا. KAZINFORM – ق ر ورتالىق سايلاۋ كوميسسياسىنىڭ وتىرىسىندا ق ر قۇرىلتايى دەپۋتاتتارىن سايلاۋعا شەت مەملەكەتتەر مەن حالىقارالىق ۇيىمداردىڭ بايقاۋشىلارىن اككرەديتتەۋ تۋرالى قاۋلى قابىلداندى.
- 777 حالىقارالىق بايقاۋشى اككرەديتتەۋدەن ءوتتى. ونىڭ ىشىندە 160 بايقاۋشى 42 شەت مەملەكەتتەن. ال 617 بايقاۋشى 13 حالىقارالىق ۇيىمنان. سونىمەن قاتار، پارلامەنتتىك اسسامبلەيالار مەن حالىقارالىق پارلامەنتتىك ۇيىمداردان 41 ەلدىڭ اتىنان 138 پارلامەنت دەپۋتاتى بايقاۋشى رەتىندە تىركەلدى، - دەدى ق ر ورتالىق سايلاۋ كوميسسياسىنىڭ ءتوراعاسى نۇرلان ءابدىروۆ.
ونىڭ سوزىنشە، حالىقارالىق بايقاۋشىلاردىڭ قاتىسۋى سايلاۋ ناۋقانىنىڭ اشىقتىعى مەن جاريالىلىعىنا جانە مەملەكەت حالىقارالىق مىندەتتەمەلەردى ساقتاۋىنا ىقپال ەتەدى.
- بۇل - ءبىزدىڭ حالىقارالىق مىندەتتەمەلەرگە بەيىلدىلىگىمىزدىڭ، سونداي-اق، حالىقارالىق ۇيىمدارمەن، شەت مەملەكەتتەرمەن سايلاۋ سالاسىنداعى تىعىز ىنتىماقتاستىقتى جالعاستىرۋىمىزدىڭ دالەلى، - دەدى نۇرلان ءابدىروۆ.
ايتا كەتەيىك، بۇعان دەيىن شەتەلدەگى ءۇش سايلاۋ ۋچاسكەسى جۇمىسىن توقتاتقانىن جازعانبىز.
