قۇرىلتاي قۇرامىندا وزگەرىس: جاڭا دەپۋتات تىركەلدى
استانا. KAZINFORM – ق ر ورتالىق سايلاۋ كوميسسياسى گۇلنار تويلىبايەۆانى قازاقستان رەسپۋبليكاسى قۇرىلتايىنىڭ دەپۋتاتى رەتىندە تىركەۋ تۋرالى قاۋلى قابىلدادى.
بۇگىن ورتالىق سايلاۋ كوميسسياسىنىڭ ءتوراعاسى نۇرلان ءابدىروۆ دەپۋتاتقا كۋالىك پەن ومىراۋعا تاعاتىن بەلگى تابىستادى.
ءوز سوزىندە ول بۇعان دەيىن «ادىلەت» پارتياسىنىڭ ساياسي كەڭەسى بيۋروسىنىڭ شەشىمى ورتالىق سايلاۋ كوميسسياسىنا جولدانعانىنا توقتالدى. اتالعان شەشىمگە سايكەس قازاقستان رەسپۋبليكاسى قۇرىلتايى دەپۋتاتىنىڭ بوس مانداتى پارتيالىق تىزىمگە ەنگىزىلگەن گۇلنار تويلىبايەۆاعا بەرىلگەن.
- قازاقستان رەسپۋبليكاسىنىڭ قۇرىلتايى جانە ونىڭ دەپۋتاتتارىنىڭ مارتەبەسى تۋرالى» قازاقستان رەسپۋبليكاسىنىڭ كونستيتۋتسيالىق زاڭىنىڭ 44-بابىنا سايكەس قۇرىلتاي دەپۋتاتىنىڭ وكىلەتتىگى ورتالىق سايلاۋ كوميسسياسى ونى دەپۋتات رەتىندە تىركەگەن ساتتەن باستالادى. ءسىزدىڭ مول كاسىبي تاجىريبەڭىز ەلدەگى زاڭ شىعارۋ بيلىگىن جۇزەگە اسىراتىن جوعارى وكىلدى ورگاندا ءتيىمدى جۇمىس ىستەۋگە مۇمكىندىك بەرەتىنىنە سەنىمدىمىن، - دەپ اتاپ ءوتتى نۇرلان ءابدىروۆ.
ەسكە سالايىق، 2026 -جىلعى 7-قازاندا قۇرىلتاي دەپۋتاتى تاتيانا ساۆەليەۆانىڭ وكىلەتى مەرزىمىنەن بۇرىن توقتاتىلعانىن حابارلاعان ەدىك. ارتىنشا تاتيانا ساۆەليەۆا قورعانىس ءمينيسترىنىڭ ورىنباسارى بولىپ تاعايىندالدى.
بۇعان دەيىن «ادىلەت» پارتياسى قۇرىلتاي دەپۋتاتىنىڭ بوس مانداتىنا كانديداتۋرا ۇسىنعانىن جازعانبىز.
