قۇرىلتاي مەملەكەتتىك ناگرادالار تۋرالى زاڭ جوباسىن ماقۇلدادى

- زاڭ جوباسىنىڭ نەگىزگى ماقساتى - وتاندىق مادەنيەت پەن ونەردىڭ دامۋىنا ەلەۋلى ۇلەس قوسقان ازاماتتاردىڭ ەڭبەگىن مەملەكەتتىك دەڭگەيدە تانۋ جانە ولاردى ىنتالاندىرۋ، دەپ مالىمدەدى زاڭ جوباسىن تانىستىرعان قۇرىلتاي دەپۋتاتى ءلاززات جىلقىبايەۆا.

ونىڭ سوزىنشە، وسى ماقساتتا ەكى جاڭا ەرەكشەلىك بەلگىسىن ەنگىزۋ ۇسىنىلادى.

- ءبىرىنشىسى - «ءشامشى قالداياقوۆ» مەدالى. اتالعان مەدال وتاندىق مۋزىكا ونەرى مەن ءان شىعارماشىلىعىن دامىتۋعا ەلەۋلى ۇلەس قوسقان، جەمىستى قىزمەت اتقارىپ، ەرەكشە ەڭبەك سىڭىرگەن ازاماتتاردى ماراپاتتاۋعا تاعايىندالادى.

ەكىنشىسى - «قازاقستاننىڭ ەڭبەك سىڭىرگەن سۋرەتشىسى» قۇرمەتتى اتاعى. بۇل اتاق بەينەلەۋ ونەرى سالاسىندا جوعارى كاسىبي شەبەرلىك تانىتىپ، ۇزدىك تۋىندىلارىمەن وتاندىق كوركەم مادەنيەتتى دامىتۋعا ەلەۋلى ۇلەس قوسقان قايراتكەرلەرگە بەرىلەتىن بولادى. جاڭا كونستيتۋتسيادا ءتول مادەنيەتىمىزدى قولداۋ مەملەكەتتىڭ ماڭىزدى مىندەتتەرىنىڭ ءبىرى رەتىندە بەكىتىلدى. بۇل ماراپاتتار - وسى كونستيتۋتسيالىق قاعيداتتى جۇزەگە اسىرۋدىڭ ناقتى تەتىكتەرىنىڭ ءبىرى، - دەدى قۇرىلتاي دەپۋتاتى.

ونىڭ مالىمدەۋىنشە، ۇلتتىق مادەنيەت پەن ونەرگە قالتقىسىز قىزمەت ەتىپ جۇرگەن ازاماتتاردىڭ ەڭبەگىن مەملەكەتتىك دەڭگەيدە مويىنداۋ - ولاردىڭ شىعارماشىلىعىنا كورسەتىلگەن قۇرمەت قانا ەمەس، سونىمەن قاتار قوعامداعى ەڭبەكقورلىق پەن جاسامپازدىق قۇندىلىقتارىن نىعايتۋدىڭ ماڭىزدى تەتىگى.