قۇربان ايت: وڭىرلەردە قۇرباندىق مالى قانشادان ساتىلىپ جاتىر

استانا. KAZINFORM - قۇربان شالۋ ءراسىمىن قاشىقتان وتكىزۋگە ارنالعان qurban2024.kz سايتى ىسكە قوسىلدى.

Курбанайт
Коллаж: Kazinform

قازاقستان مۇسىلماندارى ءدىني باسقارماسىنىڭ مالىمەتىنشە، ونلاين تۇردە قۇربان شالام دەۋشىلەر سايت ارقىلى قۇرباندىق مالىن تاڭداپ، Kaspi QR ارقىلى قاجەتتى قاراجاتتى اۋدارا الادى.

قوي مەن ەشكىنى جەكە ادام، ال ءىرى قارا مەن تۇيە مالىن ءبىر نەمەسە 7 ادام بىرىگىپ شالسا بولادى. تاپسىرىسىڭىز ءساتتى وتسە ۇيالى تەلەفونىڭىزعا SMS حابارلاما كەلەدى. قۇرباندىق شالىنعان سوڭ ونىڭ فوتو جانە ۆيدەو ەسەبى تاپسىرىس بەرۋشى كورسەتكەن نومىرگە جىبەرىلەدى.

Курбанайт
Инфографика: Kazinform

قۇربان شالۋعا بولاتىن قويدىڭ ەڭ ارزان باعاسى سەمەيدە (اباي وبلىسى) تىركەلىپ وتىر، 1 قويدى 40 مىڭ تەڭگەدەن باستاپ ساتىپ الۋعا بولادى. ەڭ قىمبات باعا اتىراۋ، قوستاناي جانە ماڭعىستاۋ وبلىستارىندا، اتالعان وڭىرلەردە قويدىڭ قۇنى 150 مىڭ تەڭگەگە دەيىن بارادى.

قويدان بولەك، كەيبىر وڭىرلەردە ەشكى، سيىر، تۇيە سەكىلدى ۇساق جانە ءىرى قارا مالدى قۇرباندىققا شالۋعا بولادى.

ەسكە سالا كەتەيىك، باس ءمۇفتي قۇربان ايت قارساڭىندا كاسىپكەرلەرگە ۇندەۋ جاسادى.

ق م د ب باسپا ءسوز قىزمەتىنىڭ مالىمەتىنشە، ناۋرىزباي قاجى تاعان ۇلى كاسىپكەرلەردەن قۇربان ايتتا مال باعاسىن قولدان كوتەرمەي، حالىقتىڭ الەۋمەتتىك جاعدايىن ەسكەرىپ، وڭتايلى باعا ۇسىنۋعا شاقىردى.

ايتا كەتسەك، ەلوردادا قۇربان شالۋ ورىندارى انىقتالدى.

سوڭعى جاڭالىقتار