قازاقستاندا Qorgau جوباسى باستالدى
جوبانىڭ ماقساتى - ومىرلىك قيىن جاعدايدا قالعان تۇرعىنداردىڭ ءبىلىم دەڭگەيىن كوتەرۋ.
1- تامىزدان باستاپ بارلىق قالا جانە اۋدان ورتالىقتارىندا 210 زاڭ كەڭەسى ءبولىمى اشىلادى. قالاعان ادام وسى بولىمدەرگە بارىپ، بۇقارا قۇقىن قورعاۋدىڭ بۇكىل ماڭىزدى باعىتتارى بويىنشا قۇقىقتىق كومەك الۋىنا بولادى.
وسى جوبا اياسىندا زاڭ فاكۋلتەتتەرى ستۋدەنتتەرىن تاعىلىمدامادان وتكىزۋ، «الەۋمەتتىك» زاڭگەرلەر قوعامداستىعىن قۇرۋ، «ايت!» اقپاراتتىق-ءتۇسىندىرۋ اكسياسىن وتكىزۋ، ت. ب. كوزدەلىپ وتىر.
«جوبا اياسىندا بارلىق سالاداعى قۇقىق قورعاۋ ۇيىمدارىمەن مەموراندۋم جاسالادى. كەيدە ايرىقشا جاعدايلار بولىپ جاتادى، ايتالىق بىرەۋ بانكپەن سوتتاسۋى مۇمكىن. بۇلار بانك ءىسى سالاسىنداعى زاڭدى تۇلعا مەن جەكە تۇلعا اراسىنداعى نازىك ماسەلەلەر. مۇندايدا وسى سالانىڭ ماماندارى شاقىرىلادى»، - دەيدى جوبانىڭ الماتى قالاسى بويىنشا ۇيلەستىرۋشىسى التىناي كوبەيەۆا.
ونىڭ ايتۋىنشا، بۇگىننىڭ وزەكتى ماسەلەلەرى رەتىندە مەملەكەتتەن الەۋمەتتىك جەڭىلدىكتەر الۋ، اجىراسۋ پروتسەسىنىڭ ماسەلەلەرى، مۇلىك ايىرىسۋ، الاياقتىق، جۇمىسقا ورنالاسۋ، تاعى باسقالاردى ايتۋعا بولادى.
ايتا كەتەيىك، وسى جوبا «ءبىرىڭعاي Call-ورتالىق قۇرۋ ارقىلى «قۇقىق قورعاۋشى» كەشەندى جوباسىن ىسكە اسىرۋ» گرانتى اياسىندا ىسكە اسىرىلۋدا. وعان «ازاماتتىق باستامالاردى قولداۋ ورتالىعى» ك ە ا ق قولداۋ كورسەتىپ، ق ر اقپارات جانە قوعامدىق دامۋ مينيسترلىگى قولعابىس ەتىپ وتىر.