قۇلسارىدا جوعالعان ەكى ادام ءالى ىزدەستىرىلىپ جاتىر

 قۇلسارىدا جوعالعان ەكى ادام ءالى ىزدەستىرىلىپ جاتىر.

6-ساۋىردە ساعات 17:52 فدە جىلىوي اۋدانى قۇلسارى قالاسى 4-شاعىناۋدان اۆتودوروجنيك كوشەسى Grand Hall مەيرامحاناسىنىڭ قاسىندا ورنالاسقان سۋ باسقان ءۇيىن قاراۋعا 1976 -جىلى تۋعان ازامات پەن ونىڭ 2000 -جىلى تۋعان ۇلى بارىپ، سول ۋاقىتتان بەرى حابارسىز كەتكەنى جونىندە حابارلاما تۇسكەن.

حابارلاما تۇسكەن بويدا قۇتشارۋشىلار مەكەن-جايعا بارىپ، ءۇيدىڭ ەسىگى پەنامەن بەكىتىلگەنىن انىقتادى.

"بۇل شاقىرتۋ بويىنشا 6-ساۋىردە ساعات 20:57 دە قۇتقارۋشىلار، 5 قايىق، 1 تەحنيكا (ترەكول) جۇمىلدىرىلىپ، تاۋلىك بويى ىزدەدى. قازىر ىزدەستىرۋ جۇمىستارىنا قۇتقارۋشىلار، 5 ءجۇزۋ قۇرالى جانە 1 تەحنيكا (ترەكول) جۇمىلدىرىلدى. ىزدەۋ جالعاسادى"، - دەپ جازىلعان ت ج د حابارلاماسىندا.

ۆەدومستۆو مالىمەتىنشە، قۇلسارىدا 6-ساۋىردە سۋ باسۋ سالدارىنان شاقىرتۋلار كوپ تۇسكەن. جىلىوي اۋدانىندا توتەنشە جاعداي جاريالانعان ۋاقىتتان 7-ساۋىرگە دەيىن 26467 تۇرعىن، ونىڭ ىشىندە 5976 بالا ەۆاكۋاتسيالاندى.