قۇشاق جايا قارسى العان قازاقستان حالقىنا ءدان ريزامىن – ا ق ش- تىڭ قازاقستانداعى ەلشىسى

استانا. KAZINFORM – ا ق ش- تىڭ قازاقستانداعى ەلشىسى دەنيەل روزەنبليۋم ەلىمىزدەگى مانسابىن اياقتاپ، زەينەتكە شىقتى.

Құшақ жая қарсы алған Қазақстан халқына дән ризамын – АҚШ-тың Қазақстандағы елшісі Дэниел Розенблюм
Фото: instagram.com/usambkz

- ا ق ش- تىڭ قازاقستانداعى ەلشىسى قىزمەتىن اتقارۋ مەن ءۇشىن ۇلكەن مارتەبە بولدى. بۇل دوستىقتى نىعايتۋ، سەرىكتەستىكتەردى قالىپتاستىرۋ جانە ەكى ەل اراسىنداعى بايلانىستى كۇشەيتۋدە بىرلەسكەن جۇمىس جۇرگىزۋ سياقتى كەرەمەت ۇلكەن جول بولدى. بۇل تەك ءسوز جۇزىندە عانا ەمەس، ءىس جۇزىندە شىنايى جول بولدى، - دەگەن جازبامەن ءبولىستى دەنيەل روزەنبليۋم Instagram پاراقشاسىندا.

سونداي-اق ا ق ش ەلشىسى قازاق تىلىندە ۇندەۋ جولدادى.

- قۇرمەتتى قازاقستان حالقى، مەنىڭ قۇرمەتتى دوستارىم مەن ارىپتەستەرىم. ءسىز بىلەتىندەي، جان-جاقتى ويلانا كەلە، مەن 20-قاڭتاردان باستاپ قازاقستانداعى ا ق ش ەلشىسى قىزمەتىنەن زەينەتكە شىعۋ شەشىمىن قابىلدادىم. بىرنەشە ايدان كەيىن ا ق ش مەملەكەتتىك دەپارتامەنتىندەگى 28 جىلدىق قىزمەتتەن كەيىن زەينەتكە شىعامىن. وتكەن جۇما كۇنى مەن قازاقستاننىڭ بارلىق 17 ءوڭىرىن ارالاپ شىقتىم دەپ ماقتانىشپەن ايتا الامىن. قايدا بارسام دا، ءتۇرلى سالا مەن كاسىپ ماماندارىمەن جۇزدەستىم، بارعان جەرىمدە مەنى قوناقجايلىقپەن قارسى الدى. مەنى قۇشاق جايا قارسى الىپ، وزدەرىنىڭ تاريحىمەن، داستۇرىمەن اشىق-جارقىن بولىسكەنى ءۇشىن مەن قازاقستان حالقىنا ءدان ريزامىن. قازاقستاندا كورسەتكەن ىستىق ىقىلاستارىڭىز بەن قونايجايلىلىقتارىڭىز ءۇشىن شىن جۇرەكتەن العىس بىلدىرەمىن. سونىمەن قاتار قازاقستان ۇكىمەتىنە سەرىكتەستىك ءۇشىن شىنايى ريزاشىلىعىمدى ايتامىن. ءبىز بىرگە كوپ نارسەگە قول جەتكىزدىك. ەكى ەل اراسىنداعى ساۋدا بايلانىستارىن كەڭەيتىپ، ءبىلىمدى ناسيحاتتادىق، ايەلدەر مەن جاستاردى قولدادىق. سونداي-اق قازاقستاننىڭ باي مادەني مۇراسىن بىرگە دارىپتەدىك. بىرلەسكەن كۇش-جىگەرىمىزبەن بەيبىتشىلىك، قاۋىپسىزدىك جانە ەكونوميكالىق وركەندەۋ سياقتى ورتاق ماقساتتارىمىزعا ايتارلىقتاي ىلگەرى باستىق، - دەپ قازاقستاندىقتارعا العىس ايتتى.

پرەزيدەنت ا ق ش- تىڭ قازاقستانداعى ەلشىسى دەنيەل روزەنبليۋمدى قابىلداعان بولاتىن.

سوڭعى جاڭالىقتار