قازىردىڭ وزىندە 27 ورمان ءورتى تىركەلدى - مينيستر

орман өрті
Фото: gov.kz

استانا. KAZINFORM - مامانداردىڭ بولجاۋىنشا، جاز ىستىق بولادى جانە ءورت قاۋپى كۇشەيەدى. بۇل تۋرالى توتەنشە جاعدايلار ءمينيسترى شىڭعىس ءارىنوۆ ايتىپ بەردى.

«مامانداردىڭ بولجاۋىنشا، جاز ىستىق بولادى، تابيعي ءورت بولۋ قاۋپى جوعارى. قازىردىڭ وزىندە، ەلىمىزدە 27 ورمان ءورتى جانە 122 دالا جانۋى تىركەلدى. ولاردىڭ كوپشىلىگىن مينيسترلىك كۇشتەرى جويدى، اۆياتسيا دا تارتىلدى»، - دەدى مينيستر ۇكىمەت وتىرىسىندا.

وسىعان بايلانىستى، ش. ءارىنوۆ بارلىق مۇددەلى مەملەكەتتىك ورگاندار مەن اكىمدىكتەر ورمان-دالا ورتتەرىنىڭ الدىن الۋ جانە جويۋ جونىندەگى ۆەدومستۆوارالىق جوسپاردىڭ ءتيىمدى ىسكە اسىرىلۋى كەرەگىن ايتتى.

«سونداي-اق اكىمدىكتەرگە شىعىنداردى تالاپ ەتپەيتىن قاراپايىم ءورت ءسوندىرۋ قۇرالدارىن - اسپالى ءورت سوندىرگىشتەر، موتوپومپالار، ءورت ءسوندىرۋ جەڭدەرى جانە ۇشقىشسىز ۇشۋ اپپاراتتارىن ساتىپ الۋى قاجەت دەپ سانايمىن»، - دەدى ت ج ءمينيسترى.

سوڭعى جاڭالىقتار