قازىر ستريمينگ ارقىلى ساۋدا جاساۋ سۇرانىسقا يە - مينيستر

استانا. KAZINFORM - ساۋدا جانە ينتەگراتسيا ءمينيسترى ارمان شاققاليەۆ ەلىمىزدە ەلەكتروندى ساۋدانىڭ قارقىندى دامىپ كەلە جاتقانىن ايتتى.

Қазір стриминг арқылы сауда жасау сұранысқа ие – министр
Фото: Ағыбай Аяпбергенов/Kazinform

- ەلەكتروندىق ساۋدا - الەمدىك ەكونوميكانىڭ ەڭ قارقىندى دامىپ كەلە جاتقان سەگمەنتتەرىنىڭ ءبىرى. بۇگىندە الەم حالقىنىڭ 30 پايىزى ينتەرنەت ارقىلى ونلاين ساۋدا جاسايدى. 2024 - جىلى جاھاندىق ەلەكتروندىق كوممەرتسيا نارىعىنىڭ جالپى كولەمى شامامەن 6,3 تريلليون ا ق ش دوللارىن قۇراپ، ونىڭ ىشىندە ەلەكتروندىق ساۋدانىڭ ۇلەسى %20 پايىز بولدى. الداعى جىلدارى ەلەكتروندىق كوممەرتسيانىڭ كولەمى 8,3 تريلليونعا دەيىن وسەدى دەپ بولجانىپ وتىر، - دەدى ارمان شاققاليەۆ ۇكىمەت وتىرىسىندا.

ءمينيستردىڭ ايتۋىنشا، قازىر ساۋدا قۇرىلىمى قارقىندى وزگەرىپ جاتىر.

- قازىر ەلەكتروندى ساۋدادا جاساندى ينتەللەكت تەحنولوگيالارىن ەنگىزۋ، دەربەستەندىرۋ، الەۋمەتتىك جەلىلەر ارقىلى ساۋدانىڭ ءوسۋى، ستريمينگتەر (تىكەلەي ەفير) ارقىلى ساۋدا جاساۋ سۇرانىسقا يە. سونىمەن قاتار، كومپانيالاردىڭ الەۋمەتتىك جاۋاپكەرشىلىگى ارتىپ، ەكولوگيالىق تازا ونىمدەرگە سۇرانىس ارتىپ جاتىر، - دەيدى ول.

ەسكە سالا كەتەيىك، سوڭعى ەكى جىلدا ەلەكتروندى ساۋداداعى شاعىمدار %290 عا وسكەن. قازىر ءماجىلىس جاڭا زاڭ رەداكسياسىن قاراپ جاتىر.

سوڭعى جاڭالىقتار