قازىر موپەد جۇرگىزۋشىلەرىنىڭ كىم ەكەنىن انىقتاۋ مۇمكىن بولماي تۇر - مينيسترلىك

استانا. KAZINFORM - قازىر ەلىمىزدە 80 مىڭنان اسا موپەد بار. بۇل تۋرالى سەناتتىڭ جالپى وتىرىسىندا جول قاۋىپسىزدىگىن سيفرلاندىرۋ ماسەلەلەرى ارنالعان زاڭدى ءبىرىنشى وقىلىمدا تالقىلاۋ كەزىندە ىشكى ىستەر ءمينيسترىنىڭ ورىنباسارى يگور لەپەحا ايتتى.

«قازىرگى كەزدە «سەرگەك» جانە باسقا دا بەينەباقىلاۋ كامەرالار ارقىلى موپەد جۇرگىزۋشىلەرىنىڭ كىم ەكەنىن انىقتاۋ مۇمكىن ەمەس. ياعني موپەدتە مەملەكەتتىك تىركەۋ ءنومىرى جوق. وسىنى پايدالانىپ، ولار ادەيى جول ەرەجەسىن بۇزادى. ىشكى ىستەر مينيسترلىگى دەرەگىنشە، 80 مىڭنان اسا موپەد بار. قازىر ولاردى تىركەۋ مىندەتتى ەمەس. بىلتىر 12 ايدا موپەدتەرگە قاتىستى 750 كولىك اپاتى تىركەلىپ، 39 ادام قازا تاۋىپ، 730 ادام جارالاندى»، - دەدى ي. لەپەحا.

ونىڭ ايتۋىنشا، بيىل 8 ايدا وسىنداي 962 كولىك اپاتى تىركەلدى. سالدارىنان 48 ادام كوز جۇمدى، 1024 ادام جارالاندى.

ايتا كەتەيىك، بۇگىن بۇگىن سەناتتىڭ جالپى وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جەكەلەگەن كولىك قۇرالدارى تۇرلەرىنىڭ ءجۇرۋىن ۇيىمداستىرۋ جانە جول قاۋىپسىزدىگىن سيفرلاندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭى مەن ىلەسپە قۇجات ەكى وقىلىمدا قارالىپ، ماقۇلداندى.

وسى ورايدا موپەدتەردى مىندەتتى مەملەكەتتىك تىركەۋ ەنگىزىلەدى.