قازىر 1,2 ميلليون تەڭگە. ايفون 16 پرو ماكستىڭ باعاسى اسپانداپ تۇر
استانا. قازاقپارات - ساتىلىمعا جاڭادان شىعارىلعان iPhone 16 Pro Max تىڭ باعاسى 1,2 ميلليون تەڭگە تۇرادى جانە قازاقستاندىقتار ونى ءۇش ايلىق ورتاشا جالاقىمەن ساتىپ الا الادى، دەپ حابارلايدى Ulysmedia.kz.
جاقىندا شىعارىلعان iPhone 16 Pro جانە iPhone 16 Pro Max ۇلگىلەرى قازاقستاندا Kaspi نارىعىندا ساتىلىمعا شىعىپ ۇلگەردى.
رەسمي ورتاشا ايلىق جالاقىسى 382,2 مىڭ تەڭگەنى قۇرايتىن قازاقستاندىقتار 1 ت ب جادى بار جاڭا تەلەفون ساتىپ الۋ ءۇشىن ءۇش ايدان استام ۋاقىت ايلىعىن جيناۋعا ءماجبۇر بولادى.
Kaspi-دە جاڭا سمارتفوندار قانشا تۇرادى
iPhone 16 Pro باعاسى:
جادى سىيىمدىلىعى 128 گ ب - 724,8 مىڭ تەڭگە،
جادى سىيىمدىلىعى 256 گ ب - 767,7 مىڭ تەڭگە،
جادى سىيىمدىلىعى 512 گ ب - 995,8 مىڭ تەڭگە،
جادى سىيىمدىلىعى 1 ت ب - 1,1 ميلليون تەڭگە.
iPhone 16 Pro Max باعاسى:
جادى سىيىمدىلىعى 256 گ ب - 918,3 مىڭ تەڭگە،
جادى سىيىمدىلىعى 512 گ ب - 1,09 ميلليون تەڭگە،
جادى سىيىمدىلىعى 1 ت ب - 1,2 ميلليون تەڭگە.
ەڭ ارزان iPhone 16 Pro جاد سىيىمدىلىعى 128 گ ب مودەلىنىڭ باعاسى سمارتفوننىڭ تۇسىنە قاراي 724 مىڭ تەڭگەدەن باستالادى. ەڭ قىمبات مودەل - iPhone 16 Pro Max 1Tb قارا ءتۇستى 1287893 تەڭگە تۇرادى.
بۇعان دەيىن قازاقستاندىق ينتەرنەت- جارناما پلاتفورمالارىندا جاڭا iPhone 16-عا الدىن الا تاپسىرىس بەرۋ تۋرالى العاشقى ۇسىنىستار پايدا بولعان.
