قازگيدرومەتتىڭ ەسكەرتۋىنە قۇلاق اسپاعان كىم
استانا. KAZINFORM - قازگيدرومەت ماماندارى بىلتىر جەلتوقسان ايىندا سۋ تاسقىنىنىڭ جوعارى قاۋپى بار ەكەنىن ەسكەرتكەن. ەلىمىزدە بولىپ جاتقان تابيعي اپاتقا قاراعاندا ەسكەرتۋگە قۇزىرلى ورگاندار اسا ءمان بەرمەگەنى مە؟ الدە سۋ تاسقىنى قارقىندى بولاتىنىن ەشكىم كۇتپەدى مە؟
قازگيدرومەت سينوپتيكتەرى 2023 -جىلدىڭ جەلتوقسان ايىنان باستاپ توپىراق ىلعالى جوعارى بولاتىنىن ەسكەرتىپ كەلگەن.
«قازگيدرومەت» ر م ك گيدرولوگيالىق مونيتورينگ ءبولىمىنىڭ باسشىسى باۋىرجان جەكىجانوۆتىڭ ايتۋىنشا، كەي جەرلەردە ىلعالدىلىق نورمادان التى ەسە اسىپ كەتكەن.
«بريفينگتەر مەن جيىنداردا بۇل ماسەلە مينيسترلىكتەر دەڭگەيىندە كوتەرىلدى. ىلعالدىڭ جوعارى بولۋىنا بايلانىستى سۋ باسۋ قاۋپى جوعارى بولاتىنى بارلىعىنا ەسكەرتىلدى»،- دەدى ول.
ايتا كەتەيىك، 2024 -جىلعى 8-ساۋىردەن باستاپ سۋ تاسقىنى قاۋپىنىڭ جوعارى بولۋىنا بايلانىستى قازاقستاننىڭ ۇلتتىق گيدرومەتەورولوگيا قىزمەتىنىڭ گيدرولوگيالىق جانە ىلەسپە دەپارتامەنتتەرى تاۋلىك بويى جۇمىس رەجيمىنە اۋىستىرىلدى.
