قازگيدرومەت قازاقستاندا تروپيكالىق داۋىل بولاتىنى تۋرالى اقپاراتتى جوققا شىعاردى

استانا. KAZINFORM - TikTok جەلىسىندە قازاقستانعا بەت العان تروپيكالىق داۋىل تۋرالى حابارلاعان ۆيدەو تارادى.

وعان سايكەس، 2024 -جىلدىڭ 9-10-اقپانى ارالىعىندا جەل 100 ك م/ساع- قا دەيىن كۇشەيەدى. اقپاراتقا «قازگيدرومەت» ر م ك تۇسىنىك بەردى، دەپ حابارلادى Stopfake.kz.

«قازگيدرومەت» ر م ك قازاقستان تۇرعىندارى مەن قوناقتارىنا تاراعان ۆيدەودا ءبىرقاتار قاتەلىك بار ەكەنىن حابارلايدى. بەينەجازبادا تالقىلانعان سيكلون قازاقستان اۋماعىندا ەمەس، ءبىزدىڭ رەسپۋبليكاعا سكانديناۆيا ايماقتارىنان كوشىپ كەلدى جانە 7-اقپاننان باستاپ ەل اۋماعىنىڭ باسىم بولىگىن قامتيدى. جەل كۇشىنە كەلەتىن بولساق، بۇل ۆيدەودا كورسەتكىشتەر 100 ك م/ساع دەلىنگەن، ول م/س بويىنشا 27-28 م/س قۇرايدى. سونداي- اق، «قازگيدرومەت» ر م ك 6-اقپاندا 2024 -جىلدىڭ 6-اقپانى كۇنگى ساعات 21:00 دەن 9-اقپان كۇنگى 21:00 گە دەيىن جەلدىڭ كۇشەيۋىنە بايلانىستى جەلدىڭ 30 م/س نەمەسە ودان دا كوپ بولاتىنى تۋرالى سمق (ستيحيالىق مەتەورولوگيالىق قۇبىلىس) ەسكەرتۋ جاريالانعانىن حابارلايدى.

ايماقتار: اقمولا وبلىسى، اقتوبە وبلىسى، جامبىل وبلىسى، قوستاناي وبلىسى، پاۆلودار وبلىسى، سولتۇستىك قازاقستان وبلىسى، تۇركىستان وبلىسى. اۋا رايىنا بايلانىستى ەسكەرتۋگە سايكەس، 7-9-اقپاندا قازاقستاننىڭ باسىم بولىگىندە جەل 23-28 م/س كۇشەيەدى، ەكپىنى 30 م/س نەمەسە ودان دا كوپ بولادى، سودان كەيىن سيكلون قازاقستان اۋماعىنان تىس ايماققا اۋىسادى، - دەلىنگەن باسپا ءسوز قىزمەتىنىڭ حابارلاماسىندا.

«قازگيدرومەت» ر م ك قازاقستان تۇرعىندارى مەن قوناقتارىن رەسمي اقپاراتقا سەنۋگە شاقىرادى. توتەنشە جاعدايلار دەپارتامەنتىنىڭ 112 ءبىرىڭعاي كەزەكشىلىك- ديسپەتچەرلىك قىزمەتىنە، جانە اۋا رايىنا بايلانىستى ەسكەرتۋلەردى سايت پەن DARMEN موبيلدى قوسىمشاسىنان باقىلاۋعا كەڭەس بەرەدى.