QazVac ۆاكسيناسى وڭىرلەرگە قالاي تاراتىلادى

بۇل تۋرالى ق ر د س م قوعامدىق دەنساۋلىق ساقتاۋ ۇلتتىق ورتالىعى باسقارما ءتوراعاسىنىڭ ورىنباسارى ايناگۇل قۋاتبايەۆا ءمالىم ەتتى، دەپ حابارلايدى قازاقپارات ءتىلشىسى.

ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا QazVac ۆاكسيناسىن ەگۋ قاشان باستالاتىندىعى جانە ەكپە قازاقستاننىڭ ەمحانالارىندا قاي كەزدە پايدا بولاتىندىعى سۇرالدى.

«مەديتسينالىق ۇيىمدارعا جەتكىزۋ جاعدايىنا قاراي 26-ساۋىردەن باستاۋ جوسپارلانىپ وتىر. قازىرگى كەزدە مەديتسينا قىزمەتكەرلەرىن نۇسقاۋلىقپەن تانىستىرۋ ءجۇرىپ جاتىر. ياعني ەكپەنى سالقىنداتۋ رەجيمى، ونى ەگۋ ءتارتىبى ءتۇسىندىرىلىپ وتىر»، - دەدى ا. قۋاتبايەۆا.

ءوز كەزەگىندە ق ر د س م قوعامدىق دەنساۋلىق ساقتاۋ ۇلتتىق ورتالىعىنىڭ «سانيتاريالىق- ەپيدەميولوگيالىق ساراپتاما جانە مونيتورينگ عىلىمي- پراكتيكالىق ورتالىعى» فيليالى ديرەكتورىنىڭ ورىنباسارى مانار سماعۇل قازىرگى ۋاقىتتا مينيسترلىك وڭىرلەر بويىنشا ءتيىستى جۇمىستادى پىسىقتاعانىن اتاپ ءوتتى.

«حالىقتىڭ ورنالاسۋ تىعىزدىعىنا بايلانىستى مىڭنان ءۇش مىڭعا دەيىنگى دوزا ۆاكسينا تاراتىلادى. ياعني بۇل ۆاكسينا بارلىق وڭىردە بولۋى كەرەك. ەرتەڭنەن باستاپ كەيبىر وڭىرلەردىڭ مەديتسينالىق ۇيىمدارى وسى ۆاكسينانى الۋى مۇمكىن. جالپى، دۇيسەنبىدەن باستاپ ۆاكسينا ءتيىستى مەديتسينالىق ۇيىمدارعا تاراتىلىپ بولادى»، - دەدى م. سماعۇل.

بۇدان بۇرىن حابارلانعانداي، جاقىندا قازاقستاندىق QazVac ۆاكسيناسىنىڭ العاشقى پارتياسى جونەلتىلدى. QazVac ۆاكسيناسىنىڭ العاشقى 50 مىڭ دوزاسى «س ق- فارماتسيانىڭ» حابتارىنا تاراتىلىپ، ودان ءارى ەلىمىزدىڭ بارلىق وڭىرلەرىندەگى دەنساۋلىق ساقتاۋ باسقارمالارىنىڭ قويمالارىنا جەتكىزىلەتىن بولادى. مامىر ايىندا 50 مىڭ دوزا كولەمىندەگى ۆاكسينانىڭ كەزەكتى پارتياسىن شىعارۋ جوسپارلانۋدا. بۇدان ءارى ۆاكسينا ءوندىرىسى كەزەڭ- كەزەڭمەن ايىنا 500-600 مىڭ دوزاعا دەيىن ۇلعايتىلاتىن بولادى.

اۆتور: رۋسلان عابباسوۆ