«قازتەلەراديوعا» جاڭا باسشى كەلدى

استانا. KAZINFORM - قازاقستان رەسپۋبليكاسى مادەنيەت جانە اقپارات ءمينيسترىنىڭ بۇيرىعىمەن «قازتەلەراديو» ا ق باسقارما ءتوراعاسى لاۋازىمىنا رۋيسلام ءابىلقان ۇلى نۇرداۋلەت تاعايىندالدى.

قازاقستان رەسپۋبليكاسىنىڭ مادەنيەت جانە اقپارات ۆيتسە-ءمينيسترى ەۆگەني كوچەتوۆ «قازتەلەراديو» ا ق ۇجىمىنا جاڭا باسقارما ءتوراعاسىن تانىستىردى.

رۋيسلام ءابىلقان ۇلى نۇرداۋلەتتىڭ جوعارى زاڭ جانە ەكونوميكالىق ءبىلىمى بار.

ءال فارابي اتىنداعى قازاق ۇلتتىق ۋنيۆەرسيتەتىن «حالىقارالىق قۇقىق» ماماندىعى بويىنشا بىتىرگەن (2001 ج.).

قازاق ەكونوميكا، قارجى جانە حالىقارالىق ساۋدا ۋنيۆەرسيتەتىن «ەكونوميكا» ماماندىعى بويىنشا اياقتاعان (2008 ج.).

جالپى جۇمىس ءوتىلى 21 جىلدان استى، ونىڭ ىشىندە تەلەكوممۋنيكاتسيا سالاسىندا 10 جىلدان استام جۇمىس ىستەيدى. قىزمەت ىستەگەن جىلدارىندا رۋيسلام ءابىلقان ۇلى نۇرداۋلەت ق ر قارجى مينيسترلىگىندە، «قازاقستان تەلەكوممۋنيكاتسيالارى» ا ق (كاتەلكو)، «قازمۇنايگاز» ا ق، «سامۇرىق-قازىنا» ا ق-دا جۇمىس ىستەپ، مەملەكەتتىك جانە كورپوراتيۆتىك قۇرىلىمداردا باسشى لاۋازىمداردى اتقاردى.

2011-جىلدان باستاپ «قازتەلەراديو» ا ق- ندا ءتۇرلى باسشىلىق لاۋازىمداردا جۇمىس ىستەيدى، ونىڭ ىشىندە:

مەملەكەتتىك ورگاندارمەن ءوزارا ءىس-قيمىل قىزمەتىنىڭ باستىعى؛

فيليالدارمەن جانە مەملەكەتتىك ورگاندارمەن جۇمىس دەپارتامەنتىنىڭ ديرەكتورى؛

باسقارما ءتوراعاسىنىڭ كەڭەسشىسى؛

مەملەكەتتىك ورگاندارمەن جۇمىس جونىندەگى باسقارۋشى ديرەكتور.

رۋيسلام ءابىلقان ۇلى نۇرداۋلەتتىڭ تاعايىندالۋى «قازتەلەراديو» ا ق- نىڭ تۇراقتى دامۋ ستراتەگياسىن جانە تەلەراديو حابارلارىن تاراتۋعا زاماناۋي تەحنولوگيالاردى ەنگىزۋدى ۇستاناتىندىعىن ايعاقتايدى.

ەسكە سالا كەتەيىك، بۇعان دەيىن مەملەكەت باسشىسىنىڭ جارلىعىمەن ەرسايىن ناعاسپايەۆ ونەركاسىپ جانە قۇرىلىس ءمينيسترى بولىپ تاعايىندالعانىن جازعان بولاتىنبىز.