شىنايى وقيعاعا نەگىزدەلگەن «Qazbat» فيلمى پروكاتقا شىعادى
فيلم 1995-جىلدىڭ 7- ءساۋىرى كۇنى بولعان شىنايى وقيعا نەگىزىندە تۇسىرىلگەن. بۇل كۇنى قازاقستان ىشكى اسكەرىنىڭ 7-ەركىن روتاسىنىڭ اسكەري قىزمەتشىلەرى تاجىكستاننىڭ پشيحارۆسك شاتقالىندا ىرگەلەس ورنالاسقان تاراپ سودىرلارىنىڭ تۇتقيىلدان شابۋىلىنا تاپ بولدى.
تۋىندىدا 19-20 جاس ارالىعىنداعى 4 كەيىپكەر تۋرالى باياندالادى. بۇل - تاجىك-اۋعان شەكاراسىندا جاۋىنگەرلىك مىندەتتى ورىنداعان بارلىق اسكەري قىزمەتشىلەردىڭ جيىنتىق وبرازى. كارتينادا سونداي-اق ءوز قىزمەتىن ابىرويمەن اتقارعان، قولاستىنداعىلارعا قامقور بولىپ، ولاردان ناعىز ەر ازاماتتاردى تاربيەلەپ شىعارعان مارات احمەتوۆ، بەرىك وماروۆ، قايرات ساتبايەۆ سىندى جانە وزگە دە وفيتسەرلەردىڭ وبرازىن جەتكىزەتىن ۆزۆود كومانديرى بار.
«Qazbat» - تى ءتۇسىرۋ يدەياسى ق ر ۇلتتىق ۇلانىنىڭ باس قولباسشىسى، گەنەرال-لەيتەنانت رۋسلان جاقسىلىقوۆقا تيەسىلى. رەجيسسەرى - اسقار ۇزابايەۆ. باستى قويۋشى- وپەراتور - ماكسيم زادارنوۆسكي.
فيلمدە تالانتتى اكتەرلار داۋرەن سەرعازين مەن رينات دوشىبەكوۆ، كينويندۋسترياعا جاڭادان قادام باسقان - حالىق راحات، دياس مىرزاحمەت، شاريفبەك زاكيروۆ جانە ينديرا شىنبولات قىزى وينايدى.
ق ر ۇلتتىق ۇلانىنىڭ باسپا ءسوز قىزمەتىنەن ءمالىم ەتكەندەي، «Qazbat» - تىڭ تەلەۆيزيالىق نۇسقاسى اتالمىش شايقاستىڭ 25 جىلدىعىنا وراي كەلەسى جىلدىڭ 7- ءساۋىرى كۇنى «Qazaqstan» ارناسىنان كورسەتىلەدى.
