قازمۇنايگازدىڭ مۇناي قورى نەشە جىلعا جەتەدى

ونىڭ سوزىنشە، كومپانيا ءوزى قاتىساتىن ءاربىر كەن ورنىن تەحنيكالىق جانە ەكونوميكالىق تۇرعىدان باعالايدى. ال مۇناي قورىنىڭ كولەمىن مەملەكەتتىك قورلار جونىندەگى كوميسسيا بەكىتەدى.

- قازىر قازمۇنايگازدىڭ مۇناي قورى 785 ميلليون تونناعا جەتىپ وتىر. بۇعان كومپانيانىڭ ءوزى باسقاراتىن كەن ورىندارىنداعى جانە بىرلەسكەن كاسىپورىندارداعى قورلار كىرەدى. بۇل - دالەلدەنگەن قور. وعان قوسا، كەن ورىندارىن قوسىمشا بارلاۋ جانە شيكىزات قورىن تولىقتىرۋ جۇمىستارى ۇزدىكسىز جۇرگىزىلىپ جاتىر، - دەدى اسحات حاسەنوۆ.

كومپانيا باسشىسىنىڭ تۇسىندىرۋىنشە، جىلىنا شامامەن 26 ميلليون توننا مۇناي وندىرىلەتىنىن ەسكەرسەك، قازىرگى قور ماتەماتيكالىق ەسەپ بويىنشا 45 جىلدان استام ۋاقىتقا جەتەدى.

- الايدا بۇل 45 جىلدان كەيىن مۇناي قورى تاۋسىلادى دەگەن ءسوز ەمەس. شيكىزات قورى ۇنەمى تولىقتىرىلىپ وتىرادى، گەولوگيالىق بارلاۋ جۇمىستارى جالعاسۋدا. ۇڭعىمالار بۇرعىلاپ، جاڭا مۇناي اعىندارىن انىقتاعان سوڭ، ولاردى بىردەن قور ەسەبىنە ەنگىزەمىز. بۇل - ۇزدىكسىز جاڭارىپ وتىراتىن پروتسەسس، - دەپ اتاپ ءوتتى ول.

بۇعان دەيىن پرەمەر-ءمينيستردىڭ ءبىرىنشى ورىنباسارى نۇرلىبەك نالىبايەۆ مۇناي-گاز سالاسىندا شيكىزاتتى تەرەڭ وڭدەۋگە جانە گاز رەسۋرستارىن ءتيىمدى پايدالانۋعا باسىمدىق بەرىلەتىنىن ايتقان ەدى.

سونداي-اق گەرمانيا، كورەيا، اۋستراليا ماماندارى قازاقستاننىڭ جەر قويناۋىن زەرتتەيدى.