قازاننىڭ سوڭعى كۇندەرى كۇن جىلىنىپ، كەي وڭىرلەردە قار جاۋادى

سينوپتيكتەردىڭ بولجامىنشا، تۇندە ەلدىڭ باسىم بولىگىندە اۋا تەمپەراتۋراسى 0 گرادۋستان تومەندەيدى.

«قازگيدرومەت» ر م ق سينوپتيكتەرىنىڭ بولجامىنشا، قازان ايىنىڭ سوڭعى كۇندەرى قازاقستاننىڭ باتىس بولىگىنىڭ تۇرعىندارىن جىلى ءارى قولايلى اۋا رايى قۋانتادى. بۇل وڭىردە اۋا رايىن اۋقىمدى انتيتسيكلون قالىپتاستىرادى. ال ەلىمىزدىڭ سولتۇستىگى مەن شىعىسىندا، سونداي-اق وڭتۇستىك وبلىستاردىڭ تاۋلى اۋداندارىندا اتموسفەرالىق فرونتتاردىڭ اسەرىنەن جاۋىن-شاشىن (نەگىزىنەن قار تۇرىندە) كۇتىلەدى.

تۇنگى ۋاقىتتا ەلىمىزدىڭ باسىم بولىگىندە اۋا تەمپەراتۋراسى 0 گرادۋستان تومەن بولادى. كۇندىز ەلدىڭ سولتۇستىگىندە، شىعىسىندا جانە ورتالىعىندا اۋا تەمپەراتۋراسى 0+5 گرادۋستان 5+10+ گرادۋسقا دەيىن قۇبىلادى. ال رەسپۋبليكانىڭ باتىسى مەن وڭتۇستىگىندە اۋا 17+22+ گرادۋسقا دەيىن جىلىنادى.

ەسكە سالا كەتەيىك، بۇگىن قازاقستاننىڭ 16 وبلىسىندا، سونداي-اق الماتى مەن شىمكەنت قالالارىندا اۋا رايىنا بايلانىستى ەسكەرتۋ جاريالاندى.