قازاقتىڭ جاس جىگىتى Apple كومپانياسىندا باسشىلىق قىزمەتكە تاعايىندالدى

استانا. قازاقپارات - 29 جاستاعى قازاقستاندىق ءادىلحان قوپابايەۆ Apple كورپوراتسياسىنىڭ ورتالىق ازيا مەن ارمەنياداعى مەملەكەتتىك ورگاندارمەن بايلانىس جانە ساياسات ءبولىمىنىڭ باسشىسى بولىپ تاعايىندالدى.

Фото: instagram.com/adilkhankopabayev
Фото: instagram.com/adilkhankopabayev

بۇل تۋرالى ول الەۋمەتتىك جەلىدە جازدى.

« Аpple Inc- كە ورتالىق ازيا مەن ارمەنياداعى مەملەكەتتىك ساياسات جانە ۇكىمەتتىك بايلانىستار ءبولىمىنىڭ باسشىسى رەتىندە قوسىلعانىمدى حابارلايمىن»، - دەپ جازدى ول.

ءادىلحان قوپابايەۆ تۋرالى نە بەلگىلى؟

ءادىلحان قوپابايەۆ 1995-جىلى 9-شىلدەدە اقتوبەدە دۇنيەگە كەلگەن. 2017-جىلى وڭتۇستىك كورەياداعى ۋلسان ۇلتتىق عىلىم جانە تەحنولوگيالار ينستيتۋتىن (UNIST) «ينجەنەر-ۋربانيست جانە تەحنولوگيالىق مەنەدجمەنت» ماماندىعى بويىنشا ءبىتىرىپ، بەدەلدى UNIST Global Uni-Star ستيپەندياسىنىڭ يەگەرى بولدى.

2022-جىلى قوپابايەۆ Brown ۋنيۆەرسيتەتىندە (پروۆيدەنس، ا ق ش) مەملەكەتتىك باسقارۋ بويىنشا ماگيستراتۋرانى اياقتاپ، روكفەللەر قورىنىڭ ستيپەندياسىن الدى.

ءادىلحان مانسابىن سەۋلدەگى «قازاليانس» ۇ ە ۇ بولىمشەسىنىڭ باسشىسى قىزمەتىنەن باستادى، وندا 2014-جىلدان 2016-جىلعا دەيىن جۇمىس ىستەدى. كەيىن ICON حالىقارالىق كونسالتينگتىك ۇيىمىندا اعا بيزنەس-ساراپشى بولدى. 2018-2019-جىلدار ارالىعىندا قازاقستاننىڭ ەڭبەك جانە حالىقتى الەۋمەتتىك قورعاۋ ءمينيسترىنىڭ كەڭەسشىسى قىزمەتىن اتقاردى.

Apple گە تاعايىندالعانعا دەيىن ءادىلحان حالىقارالىق كونسالتينگ جانە IT- كومپانيالاردا جۇمىس ىستەدى. 2023-جىلدان باستاپ قازاقستاننىڭ ەنەرگەتيكا مينيسترلىگى جانىنداعى «مۇناي جانە گاز اقپاراتتىق-تالداۋ ورتالىعى» ا ق- نى باسقاردى جانە «قازاقستاننىڭ وتىن-ەنەرگەتيكالىق كەشەنىنىڭ سيتۋاتسيالىق-تالداۋ ورتالىعىنىڭ» باسقارما ءتوراعاسى بولدى.

2024-جىلى قوپابايەۆ قازاقستان پرەزيدەنتى جانىنداعى جاستار ساياساتى جونىندەگى كەڭەستىڭ قۇرامىنا كىردى.

ول ۇيلەنگەن، ەكى بالاسى بار.

سوڭعى جاڭالىقتار