قازاقتىڭ جاس ءوسپىرىم حوككەيشى قىزدارى تۇركيانى ويسىراتا جەڭدى

استانا. KAZINFORM - شايبالى حوككەيدەن جاس ءوسپىرىم قىزدار اراسىندا الەم چەمپيوناتى ءى ءى ا ديۆيزيونىندا سىنعا ءتۇسىپ جاتقان قازاقستان قۇراماسى تۇركيادان باسىم ءتۇستى.

الەم چەمپيوناتى نيدەرلاندتىڭ حەرەنۆەن قالاسىندا ءوتىپ جاتىر. جارىس 15-21-قاڭتار ارالىعىندا وتەدى.

تۋرنير اياسىندا قازاقستان قۇراماسى ۇلى بريتانيا، تۇركيا، قىتاي، لاتۆيا جانە نيدەرلاند كوماندالارىمەن وينايدى.

الەم چەمپيوناتىنداعى ەكىنشى ويىندا قازاقستاندىق حوككەيشىلەر تۇركيا قاقپاسىنا بىردەن شابۋىل جاسادى.

ناتيجەسىندە ءبىرىنشى كەزەڭدە قارسىلاس قۇراماعا ەكى شايبا سوعىپ ۇلگەردى.

ودان كەيىنگى كەزەڭدەردە تاعى ءتورت شايبا ەنگىزىپ، تۇركيا حوككەيشىلەرىن 6:0 ەسەبىمەن ءسۇرىندىردى.

تۇركيا - قازاقستان 0:6 (0:3، 0:3، 0:0)

0:1. 1:40 - ياكوۆليەۆا

0:2. 1:57 - زۋبكوۆا (فەوكتيستوۆا، حوحلوۆا)

0:3. 13:46 - كرۋحولسكايا (زۋبكوۆا)

0:4. 20:06 - زۋبكوۆا گ ب

0:5. 26:10 - حوحلوۆا (توككوجا)

0:6. 34:10 - راكوۆسكايا

قاقپاشىلار: كوكسال (اكينچ، 26:10- 60:00) - اگەيەۆا.

قازاقستاندىق حوككەيشىلەر 15-قاڭتاردا ۇلى بريتانياعا 0:4 ەسەبىمەن جەڭىلىپ قالعان ەدى. ەندى ولار الداعى ويىنىن 18-قاڭتاردا لاتۆياعا قارسى وتكىزەدى.

تىكەلەي كورسەتىلىم ەلوردا ۋاقىتىمەن 21:30- دا Insport تەلەارناسىنان باستالادى.