قازاقتىڭ استىعىنا سۇرانىس ارتتى
قازاقستاننىڭ ماي وندىرۋشىلەرى 2050 -جىلعا قاراي ورتالىق ازيا نارىعىنا 2 ميلليون توننا ماي ونىمدەرىن ەكسپورتتاۋدى كوزدەپ وتىر. قازىرگى كولەم 750 مىڭ توننا شاماسىندا.
قازاقستاننىڭ ماي وندىرۋشىلەرى 2050 -جىلعا قاراي ورتالىق ازيا نارىعىنا 2 ميلليون توننا ماي ونىمدەرىن ەكسپورتتاۋدى كوزدەپ وتىر. قازىرگى كولەم 750 مىڭ توننا شاماسىندا.
دۇنيەجۇزىلىك بانكتىڭ ەسەبىنشە وزبەكستان، تاجىكستان جانە تۇرىكمەنستان ەلدەرىندە كۇنباعىس مايىنا دەگەن سۇرانىس جىل سايىن ارتا بەرمەك. سونداي-اق قازاقستاننىڭ استىعىنا دا بيىل كورشى ەلدەر تاراپىنان قىزىعۋشىلىق جوعارى. اۋىل شارۋاشىلىق ونىمدەرىن وندىرۋشىلەر ءۇشىن مۇنداي باسقوسۋدىڭ ءمانى بولەك. كاسىپكەرلەر جاڭا نارىق كوزىن ىزدەيدى. سەنىمدى سەرىكتەس تابادى. ەڭ باستىسى ءتيىمدى كەلىسىمشارت جاساۋعا مۇمكىندىك الادى.
اليشەر ماحمۋدوۆ، استىق تاسىمالداۋ كومپانياسىنىڭ باسشىسى:
- ءار وزبەك وتباسىنىڭ داستارحانىنداعى نان قازاقستاننىڭ ساپالى ۇنىنان جاسالعان. سەبەبى كورشى ەلدىڭ ۇنى برەندكە اينالعان. ءىرى نان ونىدۋشىلەردەن باستاپ، ءۇي شارۋاسىنداعى ايەلدەرگە دەيىن ساپالى ءونىمدى قالايدى. بيىل قازاقستاننان 150 گە جۋىق ءىرى ءوندىرۋشى كەلدى. وزبەكستان جىل سايىن ءبىزدىڭ ەلدەن 4 ميلليون تونناعا جۋىق بيداي ساتىپ الادى. مامانداردىڭ ايتۋىنشا، بيىلعى كورسەتكىش سول شامادا بولماق. مۇنىمەن قوسا قازاقستاننىڭ ماي ونىمدەرىنە دا سۇرانىس ارتقان. دۇنيەجۇزىلىك بانك جۇرگىزگەن زەرتتەۋلەر كورسەتكەندەي 2050 -جىلعا قاراي ورتالىق ازيا ەلدەرىنىڭ ماي ونىمدەرىنە دەگەن جىلدىق سۇرانىسى 2 ميلليون تونناعا تاياماق.
اندرەي انتونوۆ، قازاقستان ماي وندىرۋشىلەر قاۋىمداستىعىنىڭ اتقارۋشى ديرەكتورى:
- كليماتتىق جاعدايلارعا بايلانىستى وزبەكستان ءوزىن ماي ونىمدەرىمەن قامتاماسىز ەتە المايدى. دەمەك يمپورتقا تاۋەلدى. ءبىز وسى مۇمكىندىكتى پايدالانىپ، ونىمدەرىمىزدى وزبەكستانعا ساتامىز. نەگىزىنەن شەمىشكە مايى مەن مالعا بەرىلەتىن جوعارى سۇرىپتى قوسپالاردى ەكسپورتتايمىز. جالپى وتكەن جىلى قازاقستان 750 مىڭ توننا ماي ونىمدەرىن ساتتى. الداعى ۋاقىتتا كورسەتكىشتى كوبەيتۋ جوسپارلانىپ وتىر. قازاقستاندىق وندىرۋشىلەر ءۇشىن تاعى ءبىر تارتىمدى نارىق - اۋعانستان. كاسىپكەرلەر بۇل ەلگە بيداي مەن ماي ونىمدەرىنىڭ تاسىمالىن ارتتىرۋ ماسەلەسىن تالقىلاپ، جاڭا نارىق كوزىن قامتاماسىز ەتۋدىڭ ءتيىمدى جولدارىمەن تارنىستى.
https://24.kz
