قازاقتاردى ءبىر-بىرلەپ ولتىرۋگە شاقىرعان استانالىق ايەلگە سوت ۇكىمى شىقتى

استانا قالاسىنىڭ تۇرعىنى ناتاليا سۆيريدەنكو قازاق حالقىنا قورلىق سوزدەر ايتىپ، ولاردى ءبىر- بىرلەرىن ولتىرۋگە شاقىرعانى ءۇشىن 4 جىلعا سوتتالدى.

سۆيريدەنكو (قىز كەزىندەگى تەگى - مەركۋلوۆا) ناتاليا ۆالەنتينوۆنا ق ر ق ك- نىڭ 174-بابى 1-بولىگىندە («الەۋمەتتىك، ۇلتتىق، رۋلىق، ناسىلدىك، تاپتىق نەمەسە ءدىني ارازدىقتى قوزدىرۋ») كوزدەلگەن قىلمىستىق قۇقىقبۇزۋشىلىق جاساعانى ءۇشىن كىنالى دەپ تانىلسىن جانە وعان ورتاشا قاۋىپسىزدىكتەگى قىلمىستىق-اتقارۋ جۇيەسى مەكەمەسىندە جازاسىن وتەي وتىرىپ، 4 جىل مەرزىمگە باس بوستاندىعىنان ايىرۋ تۇرىندەگى جازا تاعايىندالسىن، - دەلىنگەن استانا قالاسى قىلمىستىق ىستەر جونىندەگى اۋدانارالىق سوتىنىڭ ۇكىمىندە.

سۆيريدەنكو بيىلعى 7- تامىزدا ساعات 1:00 دەن كەتكەندە استاناداعى ۇيىندە ТikTоk الەۋمەتتىك جەلىسىندە «كوروليەۆا 2» اككاۋنتى ارقىلى تىكەلەي ستريم-ترانسلياتسيا جاساپ، ۇلتتىق ار-نامىس پەن ازاماتتاردىڭ قادىر-قاسيەتىن قورلاۋعا تىرىستى. تىكەلەي ترانسلياتسيا كەزىندە ول كورەرمەن اراسىندا باسقا ۇلت وكىلدەرىنىڭ بار ەكەنىن بىلە وتىرىپ، قازاق حالقىن اشىق تۇردە قورلاي باستادى. ول قازاق حالقىن مايمىلعا تەڭەپ، «شيمپانزە»، «ماكاكا» دەسە، كورەرمەندەرىنىڭ ءبىرىنىڭ بالالارىنا ءولىم تىلەي وتىرىپ، ولاردىڭ بىرەۋىن «ناۋقاس» دەگەن.

سوت TikTok تان ەفير جازباسىن قاراپ، سۆيريدەنكونىڭ مالىمدەمەلەرى «بۇكىل قازاق حالقىن جانە قازاقستاننىڭ مەملەكەتتىك بيلىگىن قورلايتىن جانە كەمسىتەتىن مازمۇنداعى ادەپسىز، قولايسىز سوزدەردەن تۇرادى» دەگەن قورىتىندى شىعاردى.

halyq-uni.kz